(විමුක්ති එස් රුද්‍රිගු)

දැඩි ආර්ථික අර්බුදයකට මුහුණ දී සිටින ශ්‍රී ලංකාවේ උග්‍රවන වන ප්‍රචණ්ඩත්වය දැඩිව හෙළා දකින බවත් ඇතිවී තිබෙන නොසන්සුන්තාවය පාලනය කරන ලෙස බලධාරීන්ගෙන් ඉල්ලා සිටින බවත්  එක්සත් ජාතීන්ගේ මානව හිමිකම් කොමසාරිස්වරිය මිෂෙල් බැචෙලේ මහත්මිය පවසයි.

"අග්‍රාමාත්‍ය මහින්ද රාජපක්ෂ මහතාගේ ආධාරකරුවන් සාමකාමී විරෝධතාකරුවන්ට (09)පහරදීමත් සමග පාලක පක්ෂයේ සාමාජිකයන්ට එල්ල වූ මැර ප්‍රහාර හේතුවෙන් ශ්‍රී ලංකාවේ ප්‍රචණ්ඩත්වය උත්සන්න වීම පිළිබඳව මම කනස්සල්ලට පත්ව සිටිමි.

සියලු ආකාරයේ ප්‍රචණ්ඩකාරී ක්‍රියා අප හෙලා දකින අතර සියලුම පහරදීම් පිළිබඳ  පුළුල් විනිවිදභාවයෙන් යුත් විමර්ශනයක්  ආරම්හ කරන ලෙස මම බලධාරීන්ගෙන් ඉල්ලා සිටිමි " යැයි මිෂෙල් බැචෙලේ මහත්මිය නිකුත් කළ නිවේදනයේ දැක්වේ.