(අංජුල මහික වීරරත්න සහ සුජිත් හේවාජුලිගේ)

 ආණ්ඩු පක්ෂ මන්ත්‍රී වරයෙකුගේ ගෝලයන් පිරිසක් පුත්තලමේ සිමෙන්ති කම්හලකින් ඉවත් කළැයි කියන ප්‍රශ්නයක්  විසඳා ගැනීම සඳහා  සිමෙන්ති කොට්ට දහසක් දෙදහසක් අදාල  මන්ත්‍රීවරයාට පරිත්‍යාග  කරන්නට සිමෙන්ති කම්හලට සිදුවූ බව පොදුජන පෙරමුණේ කොළඹ දිස්ත්‍රික් මන්ත්‍රී විමල් වීරවංශ මහතා පාර්ලිමේන්තුවේදී පැවසීය.

තමා කර්මාන්ත ඇමැති ලෙස සිටි කාලයේ මේ සිදුවීම වූ  බව කී විමල් වීරවංශ මහතා මේ සම්බන්ධයෙන් අදාළ සිමෙන්ති කම්හල තමාට පැමිණිලි කළ බවද කීය.

මත්ද්‍රව්‍ය භාවිතා කිරීමේ ප්‍රශ්නයක් මත අදාළ සේවක පිරිස සිමෙන්ති කම්හලෙන් ඉවත් කර තිබූ බව කී විමල් වීරවංශ මහතා ඉවත් කළ සේවක පිරිස තමාගේ ගෝලයන් වන හෙයින් ඔවුන් නැවත සේවයට බඳවා ගත යුතු යැයි අදාල  මන්ත්‍රීවරයා බලපෑම් කර තිබෙන බවද වීරවංශ මහතා කීය.