සිංගප්පූරු ඇමැති ධුරයෙන් ඉවත් වෙයි

දූෂණ චෝදනා එල්ල වීමත් සමඟ, සිංගප්පූරු කැබිනට් අමාත්‍ය සුබ්‍රමනියම් ඊශ්වරන් සිය ධුරයෙන් ඉල්ලා අස්විය.

ඉන්දීය සම්භවයක් ඇති 61 හැවිරිදි සුබ්‍රමනියම් ඊශ්වරන්, 2021 සිට මේ දක්වා සිංගප්පූරුවේ ප්‍රවාහන අමාත්‍යවරයා ලෙස කටයුතු කළේය.

ඊශ්වරන්ට චෝදනා 27 ක් එල්ල වී ඇති අතර, එම චෝදනා සම්බන්ධයෙන්, විමර්ශන ආරම්භ වූයේ පසුගිය 2023 ජූලි මාසයේය. පාර්ලිමේන්තු නියෝජිතයකු ලෙස ඊශ්වරන්ට මාසිකව සිංගප්පූරු ඩොලර් 15,000 කට වැඩි මුදලක් හිමිවිය.

සිංගප්පූරුවේ ප්‍රකට දේපොල ව්‍යාපාරියකු වන ඔන්ග් බෙන් සෙන්ග්ගේ ව්‍යාපාරික අවශ්‍යතා ඉටු කරමින්, ගුවන් ගමන් යෑම, සුඛෝපබෝගී හෝටලවල නවාතැන් ගැනීම, ‘ෆෝමියුලා 1’ මෝටර් රථ ධාවන තරග සඳහා ටිකට් පත් තෑගි ලෙස ලබා ගැනීම ආදී චෝදනා රැසක් සුබ්‍රමනියම් ඊශ්වරන්ට එල්ල වී තිබේ.

සුබ්‍රමනියම් ඊශ්වරන්, ඔහුට එල්ල වන සියලු චෝදනා ප්‍රතික්ෂේප කරයි.

චෝදනා සම්බන්ධයෙන් විමර්ශන ආරම්භ වූ අවස්ථාවේ, චෝදනා ප්‍රතික්ෂේප කරමින් අමාත්‍යවරයා පැවැසුවේ, 2023 ජූලි මාසයේ සිට තමන්ට හිමි වැටුප් සහ දීමනා මුදල් ආපසු ලබා දෙන බවය.

සිංගප්පූරුවේ අමාත්‍යවරයකු අවසන් වරට, මේ අයුරින්, දූෂණ විමර්ශනයකට මුහුණ දීමට සිදුවූයේ 1986 වසරේදීය.

ලොව පිරිසුදුම දේශපාලනඥයන් සිටින්නේ සිංගප්පූරුවේ යැයි පැවැසෙයි. සිංගප්පූරුවේ අමාත්‍යවරුන් ලොව ඉහළම වැටුප් ලබන මහජන නියෝජිතයන් වන අතර, ඔවුහු මසකට සිංගප්පූරු ඩොලර් 45,000 කට (ශ්‍රී ලංකා රුපියල් 10,757,000 ක් පමණ) වඩා ආරම්භක වැටුපක් උපයති.

සිංගප්පූරු අමාත්‍යවරුන්ට ඉහළ වැටුපක් ලබා දීම සිදුවන්නේ ද වංචා සහ දූෂණ වලක්වා ගැනීමටය.

(සිංගප්පූරු පුවත් සේවා ඇසුරිනි)

අදහස් (5)

සිංගප්පූරු ඇමැති ධුරයෙන් ඉවත් වෙයි

sam Thursday, 18 January 2024 01:22 PM

ලංකාවේ දේශපාලුවන්ගෙන් 95% කට වඩා වැඩියෙන් දූෂණ චෝදනා තිබිලත් එකෙක්ට දඬුවම් ලැබෙන්නෙත් නැහැ එකෙක්වත් ඉල්ලා අස්වෙන්නෙත් නැහැ .ඒ කියන්නේ ලෝකේ ඉන්න ලොකුම දුශිතයෝ ඉන්නේ ලංකාවේ පාර්ලිමේන්තුවේ

: 2 24

ravin Thursday, 18 January 2024 01:46 PM

ඕන් ඒකට අපේ රටේ .බේරෙන්න පැමිණිලි හෙම දාලා අර අපූරුවට ඉන්නේ .උත්තරීතර යයි කියාගන්න තැනට යන්නෙම හොරකම් කරන්න බලාගෙන .අහුවුණු තැනදී කපා ගන්නවා ගණන

: 1 18

Amal Thursday, 18 January 2024 02:00 PM

සිංගප්පූරුවේ ඇමැති ඔහුට එල්ල වන සියලු චෝදනා ප්‍රතික්ෂේප කලත් ධුරයෙන් ඉවත් වෙලා. ඒකට ලංකාවෙ, ඇඟ බැඳලා දඩ නියම කරපු, මිනීමැරුම්වලට සිර දඬුවම් නියම කරපු කෂ්ටිය ඇමති කම් කරනවා කිසි හිරිකිතයකින් තොරව. දුෂණයට, වංචාවට සම්බන්ධ කෂ්ටිය අපේ නායක හූරා උත්තරීතරයි කියන පාර්ලිමේන්තුවෙත් ඉන් පිටතත් (ඡන්දෙන් පැරදිලා) තව ඕනතරම් ඉන්නවා රටේ ජනතාවට කෝචොක් කර කර. 2048ටේ සංවර්ධිත රටක් වන පෙර නිමිති සහ සලකුණු !!! අපි මෙහෙම ගිහින් 2048 දීත් අපෙන් ඔය දුෂිත දෙසපාළුවො ෂැපද කියල අහලා අපිට කෝචොක් කරනවා, ෂුවර්. එතකොට ෂැප කණේ තමයි !!!

: 1 21

Hafeel Thursday, 18 January 2024 06:01 PM

අපේ පින් ජනාධිපති මෙයාව මෙහෙ මහ බැංකු අධිපති කළත් පුදුමයක් නැහැ. අපේ මහ බැංකු කඩපු සිංගප්පුරු මහේන්ද්‍රන් අදටත් එහෙ නිදැල්ලේ....!

: 1 6

pakeer Thursday, 18 January 2024 08:57 PM

මෙහෙ ඉන්න ඇමැතිලා බොන්න සෙට් වුණාම මේවා කිය කියා... අපිට පිටිපස්සෙන් හිනාවෙන්න ඇති.

: 0 1

ඔබේ අදහස් එවන්න

එසැණ පුවත්

අපි දිනපු ඔක්කොම සභාවල බලය පිහිටුවනවා

2025 මැයි මස 14 545 0

ජාතික ජන බලවේගය ජයග්‍රහණය කරන ලද සියලු පළාත් පාලන ආයතනවල බලය පිහිටුවන බව ජනාධිපති අනුර කුමාර දිසානායක මහතා මහතා අද (14) පැවසීය.

බාල පොහොර තොගයක් පොලොන්නරුවෙන් අල්ලයි

2025 මැයි මස 14 262 0

පොළොන්නරුව සිරිපුර නගරයේ කෝටිපති ව්‍යාපාරිකයකු අයත් ගබඩාවක තිබී තත්වයෙන් බාල පොහොර මිටි 1566ක් සමග එහි කළමනාකාරවරයා ඇතුළු 11 දෙනකු අත්අඩංගුවට ගත් බව පොල

’’සමහරු ඉතිහාසය අමතක කරමින් අපි එක්ක ඉන්න ලෑස්ති වෙනවා’’

2025 මැයි මස 14 552 0

ඉතිහාසය අමතක කොට අලුත් පරිච්ඡේදයක් නිර්මාණය කරන්නට ජනතා විමුක්ති පෙරමුණට හැකියාවක් නැති බව ජනතා විමුක්ති පෙරමුණේ නායක ජනාධිපති අනුර කුමාර දිසානායක

පුංචි ආණ්ඩු බලය ගන්න විපක්ෂ එක තැනකට රොක් වෙති

2025 මැයි මස 14 1453 5

ජාතික ජන බලවේගයට බහුතරය හිමි නොවූ මහ නගර සභා, නගර සභා සහ ප්‍රාදේශීය සභා ඇතුලත් සියලු පළාත් පාලන ආයතන වල බලය පිහිටුවීම සඳහා විපක්ෂයේ දේශපාලන පක්ෂ වල නායක

’’අපි කාටත් ඉකි ගසා හැඬූ මොහොතක් තිබුණා’’

2025 මැයි මස 14 863 3

ජනතා විමුක්ති පෙරමුණේ ශාරීරික මෙන්ම මානසික වශයෙන් වශයෙන්ද වේදනා පිරුණු ඉතිහාසයේ තමා මෙන්ම සෙසු සහෝදර සහොරියන්ද ඉකි ගසා හැඬූ එක මොහොතක් හෝ තිබෙන බව ජ

බස් අනතුරින් තුවාල ලැබූ දරුවන් වෙනුවෙන් ක්‍රිකට් ආයතනය ඉදිරියට

2025 මැයි මස 14 891 0

කොත්මලේ ගැරඩිඇල්ල බස් අනතුරින් තුවාල ලැබූ දරුවන්ගේ ඉදිරි අනාගත කටයුතුවලට සහ අධ්‍යාපන කටයුතුවලට මූල්‍ය අනුග්‍රහය දැක්වීමට ශ්‍රී ලංකා ක්‍රිකට් ආයතනය