(ශ්රීනාත් ප්රසන්න ජයසූරිය සහ ඉන්දිකා රාමනායක)
නාරහේන්පිට,ඇල්විටිගල මාවතේ පිහිටි වෘත්තීය පුහුණු අධිකාරියේ කලමනාකාර සහකාර නිලධාරියකුට අමානුෂික ලෙස පහර දී ඝාතනය කළේ යැයි කියන පොලිස් මත්ද්රව්ය නාශක කාර්යාංශයේ උප පොලිස් පරීක්ෂකවරයෙක් ඇතුළු පොලිසියේ හත් දෙනෙක් රහස් පොලීසියේ මිනීමැරුම් විමර්ශන අංශයේ පොලිස් කණ්ඩායමක් විසින් සැකපිට අත්අඩංගුවට ගනු ලැබූහ.
මෙසේ ඝාතනය ලක් වූයේ හික්කඩුව තෙල්වත්ත ප්රදේශයේ පදිංචිව සිටි අන්තෝනි ගමගේ සමන්ත ප්රීති කුමාර නැමැති 41 හැවිරිදි විවාහක අයෙකි.
කොළඹ නෙළුම් කුළුණ ආසන්නයේදී ප්රීති කුමාර මහතා පොලිස් මත්ද්රව්ය නාශක කාර්යාංශයේ පොලිස් කණ්ඩායමක් ජනවාරි මස 10 වැනිදා රාත්රී කාලයේ අල්ලාගෙන ඇත.
මොහු මත්ද්රව්ය ජාවාරම්කරුවකු යැයි කියමින් අමානුෂික ලෙස දිගට හරහට පහර දී ඇතැයි රහස් පොලිසිය කළ විමර්ශනවලදී අනාවරණය වී ඇතැයි යැයි උසස් පොලිස් නිලධාරියෙක් ලංකාදීපයට පැවැසීය.
පහරකෑමෙන් අසාධ්ය තත්ත්වයට පත් වූ ප්රීති කුමාර මහතා කොළඹ ජාතික රෝහලට ඇතුළත් කර ප්රතිකාර ලබමින් සිටියදී එදිනම මියගොස් තිබිණි.
මොහු මත්ද්රව්ය ජාවාරම්වලට කිසිදු සම්බන්ධතාවයක් නොමැති අයකු බව රහස් පොලිසිය කරන ලද පරීක්ෂණවලදී පසුව තහවුරු විය.
මෙම පොලිස් නිලධාරීන් හත්දෙනාගෙන් දීර්ඝ වශයෙන් සිද්ධියට අදාළව ප්රශ්න කර ප්රකාශ ලබා ගැනීමෙන් පසු හෙළි වූ තොරතුරු පදනම් කරගෙන ඔවුන් සැකපිට අත්අඩංගුවට ගන්නා ලදැයි රහස් පොලීසිය පවසයි.
රහස් පොලිසිය බාර නියෝජ්ය පොලිස්පති ප්රසාද් රණසිංහ මහතාගේ පූර්ණ අධීක්ෂණය යටතේ රහස් පොලිසියේ අධ්යක්ෂ ජ්යෙෂ්ඨ පොලිස් අධිකාරි කාවින්ද පියසේකර මහතාගේ උපදෙස් මත මිනීමැරුම් විමර්ශන අංශය බාර සහකාර පොලිස් අධිකාරිි මෙරිල් රංජන් ළමා හේවා මහතාගේ මෙහෙයුම යටතේ අත්අඩංගුවට ගත් සැකකාර පොලිස් නිලධාරීන් හත් දෙනා සම්බන්ධයෙන් වැඩිදුර පරීක්ෂණ පවත්වාගෙන යයි.
2025 නොවැම්බර් මස 21
210
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
266
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1172
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
වෘත්තිය පුහුණු ක. ස. ගේ මරණයට පොලිසිය හතක් අල්ලයි