(යොහාන් භාසුර)

තීරුබදු නොගෙවා නීති විරෝධී ලෙස මෙරටට ආනයනය කළ රුපියල් ලක්‍ෂ 10 ක් පමණ වටිනා දුම්වැටි 12,000 ක් සමග පුද්ගලයන් දෙදෙනෙක් කොල්ලුපිටිය නාගරික පොදුවෙළඳ සංකීර්ණයේදී අත්අඩංගුවට ගැනීමට විශේෂ කාර්ය බලකාය අද (14) සමත් විය.

පොලිස් විශේෂ කාර්ය බලකායේ අණදෙණ නිලධාරී නියෝජ්‍ය පොලිස්පති නීතිඥ වරුණ ජයසුන්දර මහතාගේ අධීක්ෂණය මත ජ්‍යෙෂ්ඨ පොලිස් අධිකාරී රෝයි සුමනවර්ධන සහ සහකාර පොලිස් අධිකාරී සාගර යන මහත්වරුන්ගේ උපදෙස් අනුව බස්නාහිර පලාත් විශේෂ මෙහෙයුම් ඒකකයට ලැබුණු තොරතුරකට අනුව පොලිස් පරික්ෂක බී.එස්.එච්. පීරිස් මහතා ඇතුළු කණ්ඩායම මෙම වැටලීම කළ බවත් කොල්ලුපිටිය නාගරික පොදු වෙළදපොළ සංකීර්ණයේ පළතුරු වෙළදාම කරමින් ඉතා සූක්ෂම ලෙස දීර්ඝ කාලයක් තිස්සේ එම පුද්ගලයන් නීති විරෝධී විදේශ දුම්වැටි වෙළදාමේ නිරත ඇති බවත් පොලිස් විහේෂ කාර්ය බලකාය කියයි.

අත්අඩංගුවට ගත් මාලබේ සහ කඩවත යන ප්‍රදේශයන්වල පදිංචි වයස අවුරුදු 57 සහ 54 වයසේ පසුවන පුද්ගලයන් දෙදෙනා සහ දුම්වැටි තොගය වැඩිදුර විමර්ශන සදහා කොල්ලුපිටිය පොලිස් ස්ථානය බාරදී තිබේ.