IMG-LOGO

2025 ජුලි මස 17 වන බ්‍රහස්පතින්දා


රටබීම ඉල්ලුම සියයට 30කින් පහළට

(සුජිත් හේවාජුලිගේ සහ  අංජුල මහික වීරරත්න)

මත්පැන් සඳහා රටේ ඇති ඉල්ලුම ජනතාවගේ ආදායම් මට්ටම අඩුවීම නිසා  සියයට 30කින් පමණ  පහළ බැස  ඇතැයි  රජයේ මුදල් පිළිබඳ පිළිබඳ පාර්ලිමේන්තු කාරක සභාවේදී තොරතුරු අනාවරණයවී ඇත.

රටේ මත්පැන් මිල මෑතකාලීනව විශාල වශයෙන් ඉහළ යෑමද මත්පැන් පාවිච්චිය අඩු වීමට   තවත් ප්‍රධාන හේතුවක් බව එම කමිටුව සඳහන් කරයි.

මේ පිළිබඳ තොරතුරු  අනාවරණය වූයේ රජයේ මුදල් පිළිබඳ කාරක සභාව එහි සභාපති පාර්ලිමේන්තු මන්ත්‍රී නීතිඥ  අනුර ප්‍රියදර්ශන යාපා මහතාගේ ප්‍රධානත්වයෙන් පසුගිය 20 වෙනිදා පාර්ලිමේන්තු සංකීර්ණයේදී රැස්වූ අවස්ථාවේදීය

රාජ්‍ය ආදායම වැඩිකරගැනීමට සකස්කර ඇති සැලසුම් හා ඒවායේ වර්තමාන තත්වය පිළිබඳව සාකච්ඡා කිරීම සඳහා මෙම සාකච්ඡාව පැවැත්විණ.

මාර්ගගත  ක්‍රමයට  පැවැත්වුණු මෙම සාකච්ඡාවට මුදල්, ආර්ථික ස්ථායීකරණ සහ ජාතික ප්‍රතිපත්ති පිළිබඳ අමාත්‍යාංශය, දේශීය ආදායම් දෙපාර්තමේන්තුව, ශ්‍රී ලංකා සුරාබදු දෙපාර්තමේන්තුව සහ ශ්‍රි ලංකා රේගුව නියෝජනය කරන නිලධාරීහු  සම්බන්ධ කර ගැනුණහ.

ශ්‍රී ලංකා සුරාබදු දෙපාර්තමේන්තුව ඉලක්කගත ආදායමට ළඟාවීමේදී ගැටලු කිහිපයක් මතු වී ඇති බවත්   මත්පැන් නිෂ්පාදනය කිරීමට ඇති එතනෝල් ප්‍රමාණය සීමාසහිත වීම, ඩීසල් සහ දැවි තෙල් සීමාසහිත වීම සහ බෙදාහැරීමේදී ඇති ගැටලු මීට හේතුවී ඇති බවත් සුරාබදු නිලධාරීන් මෙහිදී සඳහන් කර ඇත.

නීති විරෝධී මත්පැන් නිෂ්පාදනය පවතින තත්වය යටතේ වැඩිවීමේ ප්‍රවනතාවක් මේ වනවිට ඇති වී තිබෙන බව මෙහිදී තොරතුරු අනාවරණයවිය.

එසේම දේශීය ආදායම් දෙපාර්තමේන්තුවේ අපේක්ෂිත අදායම් සහ වර්තමාන තත්වය  සම්බන්ධයෙන්ද මෙහිදී සාකච්ඡා කෙරිණ.

මීට අමතරව ශ්‍රී ලංකා සුරාබදු දෙපාර්තමේන්තුව මෙම වසරේදී ලබාගැනීමට බලාපොරොත්තු වන ආදායම පිළිබඳවද මෙහිදී සවිස්තරව සාකච්ඡා කර ඇත.

මෙම කාරක සභා රැස්වීමට විපක්ෂ නායක සජිත් ප්‍රේමදාස,  අමාත්‍ය නලීන් ප්‍රනාන්දු, පාර්ලිමේන්තු මන්ත්‍රීවරුන්වන ආචාර්ය හර්ෂ ද සිල්වා,  අනූප පැස්කුවෙල් සහ  කාවින්ද  ජයවර්ධන යන මහත්වරුන්  ඇතුළු පිරිසක්ද සහභාගී වූහ.



අදහස් (2)

රටබීම ඉල්ලුම සියයට 30කින් පහළට

Bamunuarachchi Thursday, 23 June 2022 06:03 PM

රත්රන් බිජු දමන කිකිලිට කරපු වැඩේ... මේ ගොයියෝ මත්පැන් බදු ඉහළ දැමීමෙන් කළේ... දැන් මටත් හිතෙනවා කසිප්පු පෙරන්න පටන් ගත්තා නම් හොඳයි කියලා...!

:       0       0

Maha zen Thursday, 23 June 2022 08:04 PM

ඩොලර් ඉතුරුයි. කංසා, රා අනුමැතිය දෙන්න.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 236 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 429 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 174 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site