රාජකාරි කළ පොලිස් නිලධාරියෙක් හප්පා මරලා

(පද්මසිරි ගාර්දියවසම් සහ සනත් ගමගේ)

අම්බලන්තොට නගරයේ රථවාහන පරීක්ෂා කරමින් සිටි පොලිස් නිළධාරින් දෙදෙනකු වැන් රථයකින් ආ පිරිසක් අද අලුයම 2.45ට පමණ යට කර එක් නිලධාරියකු මරා තවත් අයකු තුවාල කර පළාගොස් ඇතැයි පොලිසිය කියයි.

සැකකටයුතු මෝටර් රථය නවතන ලෙස රාජකාරියේ යෙදි සිටි පොලිසිය අන කළ අවස්ථාවේ මෙම අනතුර සිදු කර පළාගොස් ඇත.

මෙම අනතුරින් ජීවිතක්ෂයට පත්ව ඇත්තේ පොලිස් කොස්තාපල් සරත් නමැති නමැත්තෙකි.

ඔහු බරපතළ තුවාල ලබා සිටි කොස්තාපල්වරයා හම්බන්තොට දිස්ත්‍රික් මහ රෝහලට ඇතුළත් කිරීමෙන් පසු ජීවිතක්ෂයට පත්ව තිබේ . මෝටර් රථයේ ගැටුණු සිවිල් ආරක්ෂකයකු තුවාල ලබා අම්බලන්තොට ප්‍රාදේශීය රෝහලට ඇතුළත් කර තිබේ . තංගල්ල දෙස සිට කතරගම දෙසට ධාවනය කළ සුදු පැහැති මෝටර් රථයක් නතර කරන ලෙසට පොලිස් නිළධාරින් සංඥා කර ඇති අතර පොලිස් අණ නොතකා මෝටර් රථය පොලිස් නිළධාරින් හප්පා හම්බන්තොට දෙසට පලාගොස් ඇතැයි පොලිසිය පැවසීය . මෝටර් රථය හෝ සැකකරුවන් මේ දක්වා අත් අඩංගුවට ගෙන නැත .

අදහස් (5)

රාජකාරි කළ පොලිස් නිලධාරියෙක් හප්පා මරලා

de silva Thursday, 01 January 2026 11:07 AM

සිහි බුද්ධිය තිබෙන එකෙක් හිතල මතලම පාරේ ඉන්න පොලිස් කාරයෝ හපන්නේ නැහැ , සමහරවිට පොලිස් කාරයෝ හැංගිලා ඉඳල එකපාරටම පාරට පැන්නද කියල කවුද දන්නේ ?

: 5 5

ගුණරත්න Thursday, 01 January 2026 11:07 AM

හප්පපු එකා නම් මට ෂුවර් ආණ්ඩුවේ පෙන්දෙක් වෙන්න ඇති කියල. පොලිස් නිලධාරීතුමාට නිවන්සුව අත්වේවා!

: 10 2

කෞෂිThursday, 01 January 2026 03:04 PM

නැටුම් ගුණේට ඤාණක්කද ඕක කිව්වේ?

: 0 0

වින්සන්ට් කජ්ජා Thursday, 01 January 2026 01:24 PM

ජීවිතයක් විනාශ කරල හරි නීතියෙන් ගැලවෙන්න බලන මේ කරුමක්කාරයන්ට එලාර රජු තම පුතාට දුන් දඬුවම වර්ගයේ එකක් දිය යුතුයි.

: 0 10

රිෆාන් Thursday, 01 January 2026 02:45 PM

මට නම් හිතෙන්නේ මේ රටේ බොහෝ දෙනෙකුට පොතේ නීතිය පමණක් ප්‍රමාණවත් නැහැ කියලා. රජ කාලේ දඩුවමුත් ඕන වගේ.

: 0 0