හොරු කියන නම හැමතැනම කියවෙන්නේ හැමතැනම හොරු ඉන්න නිසානේ. කොහෙද හොරු නැත්තේ. ඒක අද කාලයේ හොඳ මාතෘකාවක්. හොරකම හා වංචාව තියෙන තාක් කල් මේ සමාජය ගමන් කරන්නේ ආපස්සට. නිදහස ලැබුණු දා පටන් අද වෙනතුරු මේ රට තුන්වැනි ලෝකයේ දියුණු වෙමින් තිබෙන රටක්. ඉදිරියටත් ඒක එසේම තියෙයි. අපි කරන සෑම රැකියාවක් තුළම සේවයක් තියෙනවා. ඒත් අද කවුද සේවය කරන්නේ. රැකියාව නම් කරනවා. මාසේ අන්තිමට පඩියත් ගන්නවා. ඒත් ඒ තුළ තියෙන සේවය කවුරුත් කරන්නේ නෑ. හොරකම, වංචාව, දූෂණය මේ වගේ රටකට කොතරම් ගැළපෙනවාද 'මාර හොරු'. මෙහෙම අපිට කිව්වේ අනුර විතානච්චි.
සිය පළමු වේදිකා නාට්ය නිර්මාණය ලෙස 'මාර හොරු' නාට්ය නිර්මාණය කර ඇති අතර එය එය අනිද්දා (27දා) සවස 7.00ට කොළඹ ලයනල් වෙන්ටඩ් රංග ශාලාවේදී වේදිකා ගතවීමට නියමිතයි. මෙම නාට්ය නිෂ්පාදනය කර ඇත්තේ සුරේෂ් අබේසේකර විසිනුයි. මේසඳහා මාරහොරු යනුවෙන් නම් තැබුවේ මන්දැයි ඔහුගෙන් විමසූ අවස්ථාවේදී අනුර ඉහත පිළිතුර ලබාදුන්නා.
චාමර සම්පත්
COMMENTS
නව නීති ක්රියාත්මක වීමෙන් මහජන ආරක්ෂාව වැඩි වන බව ඉතා පැහැදිලිව පෙන්වන ලිපියක්.
තවත් අදහස් හා දත්ත සමඟ මෙම විශ්ලේෂණය යාවත්කාලීන කරලා නම් හොඳයි.