(සුජිත් හේවාජුලිගේ සහ අංජුල මහික වීරරත්න)
රැඳවියන් 11762 ක් පමණක් රැදවිය හැකි රටපුරා බන්ධනාගාරවල රැඳවියන් 26791 ක් රඳවා සිටින බව අධිකරණ, බන්ධනාගාර කටයුතු සහ ව්යවස්ථා ප්රතිසංස්කරණ අමාත්යාංශයේ ලේකම් වසන්තා පෙරේරා මහත්මිය රජයේ ගිණුම් පිළිබඳ පාර්ලිමේන්තු කාරක සභාවේදී (කෝපා කමිටුව) පැවසුවාය.
බන්ධනාගාරවල තදබදය සියයට 250 කින් ඉහළ ගොස් ඇතැයිද ඇය සඳහන් කළාය.
ඇතැම් බන්ධනාගාර වල තදබදය සියයට 300කින් 400 කින් ඉහළ ගොස් ඇතැයි බන්ධනාගාර කොමසාරිස් ජනරාල් තුෂාර උපුල්දෙණිය මහතා පැවසීය.
බන්ධනාගාර දෙපාර්තමේන්තුවේ ගැටලු සම්බන්ධයෙන් සාකච්ඡා කිරීම සඳහා රාජ්ය ගිණුම් පිළිබඳ පාර්ලිමේන්තු කාරක සභාව එහි සභාපති රාජ්ය අමාත්ය ලසන්ත අලගියවන්න මහතාගේ ප්රධානත්වයෙන් පසුගිය (09) වැනිදා රැස්විය. මේ තොරතුරු අනාවරණය වූයේ එම රැස්වීමේදීය.
බන්ධනාගාරවල සිටින රැඳවියන්ගෙන් 17502 ක් රිමාන්ඩ් සිරුකරුවන් බවත් ඒ අතර 10470ක්ම මත්ද්රව්ය ආශ්රිත වැරදිකරුවන් බවත් මෙහිදී තොරතුරු අනාවරණය විය.
එසේම වැරදිකරුවන් බවට අධිකරණයෙන් නියමවූ පුද්ගලයන් 9289 ක් සිටින බව පැවසූ බන්ධනාගාර කොමසාරිස් ජනරාල්වරයා ඉන් 3569ක් මත්ද්රව්ය ආශ්රිත වැරදිකරුවන් බවද සඳහන් කළේය.
මේ අතර දඩ මුදල් ගෙවා ගත නොහැකි 1309 ක්ද බන්ධනාගාරවල සිටින බව බන්ධනාගාර ප්රධානීහු පැවසූහ.
දඩමුදල් ගෙවාගත නොහැකි පිරිස් වෙසක් පොසොන් වැනි අවස්ථාවලදී විශේෂ සමාව යටතේ නිදහස් කළද නැවත කෙටිකලක් තුළ වැරදිකරුවන් ලෙස බන්ධනාගාරගතවීම විශාල ගැටලුවක් බව අතිරේක බන්ධනාගාර කොමසාරිස් ජනරාල් චන්දන ඒකනායක මහතා මෙහිදී පැවසීය.
මත්ද්රව්ය ආශ්රිත වැරදිකරුන් සංඛ්යාව ශීඝ්රයෙන් වැඩිවී ඇති බවද මෙහිදී තොරතුරු අනාවරණයවිය. මේ අනුව නව මධ්යස්ථාන නවයක පුනරුත්ථාපන කටයුතු සිදුවන බවද බන්ධනාගාර කොමසාරිස් ජනරාල්වරයා පැවසීය.
මෙම තත්වය පාලනය සදහා අවශ්ය යෝජනා සහ සැලසුම් කඩිනමින් සකස් කර ඉදිරිපත් කරන ලෙස කමිටුව නිලධාරීන්ට නිර්දේශ කළේය.
බන්ධනාගාරයන්හි පුද්ගල ශරීර පරීක්ෂාව කරන සහ භාණ්ඩ මලු පරීක්ෂා කරන යන්ත්ර 11කින් 4ක් ක්රියා විරහිත බවද මෙහිදී තොරතුරු අනාවරණය විය.මෙම යන්ත්ර වසර 10කට වැඩි කාලයක් පැරණි බැවින් අලුත්වැඩියාවට යන වියදම දෙස බැලීමේදී නව යන්ත්ර මිලදී ගැනීම ලාබදායී බව නිලධාරීහු පෙන්වා දුන්හ.
මේ අනුව සියලු බන්ධනාගාරවලට අදාළව අවශ්ය යන්ත්ර පිළිබදව සැලැස්මක් ඉදිරිපත් කරන ලෙස කෝපා සභාපතිවරයා නිලධාරීන්ට උපදෙස් දුන්නේය.
මේ අතර රසපරීක්ෂක වාර්තා පමාවිීම පිළිබදවද කමිටුවේ දී සාකච්ඡා කෙරිණ. මෙහිදී රජයේ රස පරීක්ෂිකා දීපිකා සෙනෙවිරත්න මහත්මිය පවසා සිටියේ විද්යාත්මක නිලධාරීන් පිරිසක් විදේශගතවීම නිසා පුරප්පාඩු 25ක් ඇතිවී තිබෙන බවයි.
එසේම 2021, 2022 වසරවල සාමාන්යයෙන් මසකට ලබා දිය යුතු වාර්තා ප්රමාණය 1200-1500 ලෙස පැවතුණු අතර මේ වසරේ මසකට 2500 කට වැඩි වාර්තා ප්රමාණයක් නිකුත් කිරීමට ඇතැයි ඇය සඳහන් කළාය.
ඉන් වැඩි ප්රමාණයක් මත්ද්රව්ය සිද්ධින් බව සෙනෙවිරත්න මහත්මිය වැඩිදුරටත් පැවසුවාය. අවශ්ය සේවක සංඛ්යාව සම්පූර්ණ කර මෙම කටයුතු විශේෂ කාර්යක් සේ සලකා කඩිනමින් ඉටුකරන ලෙස කමිටුව රස පරීක්ෂක දෙපාර්තමේන්තුවේ නිලධාරීන්ට උපදෙස් දුන්නේය.
මෙම රැස්වීමට රාජ්ය අමාත්යවරුන් වන ඩයනා ගමගේ සහ ප්රසන්න රණවීර පාර්ලිමේන්තු මන්ත්රීවරුන්වන අශෝක් අබේසිංහ, නිරෝෂන් පෙරේරා, විමලවීර දිසානායක, ජයන්ත කැටගොඩ, මංජුලා දිසානායක, සහන් ප්රදීප් විතාන, ඉසුරු දොඩන්ගොඩ, මුදිතා ප්රශාන්ති සොයිසා යන මහත්ම මහත්මීහුද කමිටුවේ අවසරය මත පාර්ලිමේන්තු මන්ත්රී ප්රේම්නාත් සී දොලවත්ත මහතාද සහභාගී වූහ.
විරුද්ධ දේශපාලන පක්ෂයක දකුණු පළාතේ ප්රධාන නගරයක පැවැත්වූ මැයි දින රැලියකට රක්වාන මැතිවරණ කොට්ඨාසයෙන් සහභාගී වූ පාක්ෂිකයන්ට උදේ ආහාරයට ලබාගත් පාන්
කුලියාපිටියේ පෙම්වතියගේ නිවෙසට ගිය සුසිත් ජයවංශ නැමැති තිස් හැවිරිදි තරුණයා පැහැරගෙන අතුරුදන් කිරීමට යොදාගත් බවට සැලකෙන වෑන් රථය මාතලේ, විල්ගමුව සත
හංවැල්ල ජල්තර රාජ්ය සේවක නිවාස සංකීර්ණයේ පදිංචිව සිටි තම බිරිය ඝාතනය සදහා අත් බෝම්බයක් රැගෙන පැමිණි සැමියා බව කියන පුද්ගලයකු කුඩා දරුවන් දෙදෙනකු ප්
බ්රිතාන්ය රංගන ශිල්පී බර්නාඩ් හිල් අද (5) අභාවප්රාප්ත විය. විදෙස් මාධ්ය වාර්තා කළේ මියයනවිට ඔහු 79 වියෙහි පසුවුණු බවය.
තරුණයන් දෙදෙනකු පැද වූ යතුරුපැදි දෙකක් අද (5) අලුයම මිරිහාන නව රෝහල මාර්ගයේ කිඹුලාවල ප්රදේශයේදී මුහුණට මුහුණ ගැටී සිදු වූ අනතුරින් දෙදෙනාම මියගොස් ඇත
ජපන් ශ්රී ලංකා මිත්ර සබඳතාවය වැඩිදියුණු කිරීම සඳහා ලබාදුන් දායකත්වය අගයමින් ශ්රී ලාංකිකයන් දෙදෙනකු වන කෝසල රෝහණ වික්රමනායක සහ අතුල රොබට් ෆ්රැන
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බන්ධනාගාරවල රැදවියෝ එකට එකක් වැඩිවෙලා
fairoos Wednesday, 14 June 2023 06:33 PM
හැමදාම මිනීමැරුම්, කොල්ලකෑම්... රටක් විදිහට හොඳටම දැන් පිරිහිලා. මේ කාලකණ්ණි ආණ්ඩුවත් වගකියන්න ඕනෑ මේවට...
ගමේ එකාලා Wednesday, 14 June 2023 07:45 PM
රටේ යුක්තිය නීතිය සාධාරණය විනාශ කරපු කැළෑ නීතිය රජකරවපු දූෂිත පවුල් පාලනේ අය තමයි රට මේ තත්වෙට පත් කෙරුවේ. මහ දවාලේ සුදු වෑන් ඝාතන අතුරුදහන් කරවපු දූෂිත පවුල් පාලනේ බලලෝබි පාලකයෝ සදහටම බලයේ ඉන්න ගේම් ගැහැව්වා. රටේ අනිකුත් ප්රශ්න ඔවුන්ට වැදගත් වුනේ නැහැ. කුඩු මුදලාලිලා රජ වෙලා, මැරයෝ, පාතාලකාරයින්, ස්ත්රී දූෂකයින් , අපරාධ කාරයින් වැඩිවෙලා.