පෙම් හුටපටයකට සිසුන් දෙනෙකුට හෙල්මට්වලින් ගහලා

(සුමිත් පොතුපිටිය)

ප්‍රේම සම්බන්දයක් මුල්කර ගනිමින් පාසල් සිසුන් දෙදෙනෙකුට හෙල්මට් වලින් සහ අතින් පයින් පහරදුන් බව කියන තරුණයන් සිව්දෙනෙකු  සොයා පරීක්ෂණ සිදුකරන බව පින්වත්ත පොලිසිය පවසයි.

පහර කෑ පානදුර ජනප්‍රිය පාසලක සිසුන් දෙදෙනෙකු  පානදුර මූලික රෝහලට යොමුකර ඇති බව රෝහල් ප්‍රකාශකයෙක් කීය.

සිසුන් දෙදෙනා අද (21) පාසල නිමවා පින්වත්ත පිරිවෙන පාරේ  යමින් සිටියදී සැකකරුවන් පැමිණ පහරදී ඇති බවත් , හිසට , ඇසට සහ ශරීරයේ ස්ථාන කිහිපයකට එල්ලවූ පහරදීම් වලින් පසු රෝහල් ගතකර ඇති බවත් පොලිසිය කිය.