(අංජුල මහික වීරරත්න)

පරිසර ආරක්ෂණ සමුළුවට (Eco Expo Asia 2025) සහභාගි වීම සඳහා පරිසර අමාත්‍ය වෛද්‍ය දම්මික පටබැඳි මහතා හොංකොං බලා අද(27)පිටත්ව ගියේය.

කාබන් අවම කිරීම සඳහා හරිත නිෂ්පාදන (Green Innovations for Carbon Neutrality) යන තේමාව යටතේ පැවැත්වෙන Eco Expo Asia සමුළුව  සඳහා රටවල් සහ කලාප 12 කින් ප්‍රදර්ශකයින් 300 කට අධික සංඛ්‍යාවක් සහභාගී වීමට නියමිතය.

ලංකාවේ  හරිත නිෂ්පාදන සහ කාබන් අවම කිරීමේ වැඩපිළිවෙළ සම්බන්ධයෙන් පරිසර අමාත්‍යවරයා  මෙම සමුළුව ආමන්ත්‍රණය කිරීමට නියමිත වන අතර චක්‍රීය ආර්ථිකය සහ අපද්‍රව්‍ය කළමනාකරණය, හරිත සහ ස්මාර්ට් සංචලතාව සහ ESG-සම්බන්ධ සේවා (ESG-related Services) යන ක්ෂේත්‍ර තුන ඔස්සේ පරිසර සංරක්ෂණය සඳහා විවිධ විසඳුම් ඉදිරිපත් කරමින්, හරිත ව්‍යාපාර අවස්ථා සඳහා සහයෝගයෙන් කටයුතු කිරීම මෙම පාරිසරික ආරක්ෂණ සමුළුවෙන් අපේක්ෂා කෙරේ.