සෙනසුරාදා දිනයෙන් අවසන් වූ පැය 24ක කාලයේදී නව කොරෝනා වයිරස ආසාදිතයන් 212,326 දෙනකු හඳුනාගත් බව ලෝක සෞඛ්‍ය සංවිධානය සඳහන් කරයි.

නව කොරෝනා වයිරසය ව්‍යාප්ත වීමට පටන් ගැනීමෙන් පසුව පැය 24ක් ඇතුළත වාර්තා වූ වැඩිම නව කොරෝනා වයිරස ආසාදිතයන්ගේ ගණන එය යැයි ද පැවසේ.

එහිදි වැඩිම ආසාදිතයන් ගණනක් වාර්තා වී ඇත්තේ ඇමෙරිකා එක්සත් ජනපදය, බ්‍රසීලය සහ ඉන්දියාව යන රටවලිනි. මීට පෙර දිනක් ඇතුළත වැඩිම ආසාදිතයන් ගණනක් වාර්තා වූයේ ජූනි 28 වැනිදා ය. එම ගණන 189,077ක් විය.

චීනයේ හුබෙයි පළාතේ වූහාන් නගරයෙන් ව්‍යාප්ත වීමට පටන් ගත් බව කියන නව කොරෝනා වයිරසය හෙවත් ‘කොවිඩ්-19’ගෝලීය වසංගතය මේ වනවිට රටවල් 220කට අධික සංඛ්‍යාවකට ව්‍යාප්ත වී ගොස් ඇත.

දිනකට වාර්තා වන නව කොරෝනා වයිරසය ආසාදිත මරණ ගණන තවමත් 5,000 අගයේ පවතින බව ද ලෝක සෞඛ්‍ය සංවිධානය පෙන්වාදෙයි.

ගෝලීය නව කොරෝනා වයිරස ආසාදිතයන්ගේ ගණන සිකුරාදා (5) මිලියන 11 ඉක්මවා ගියේ.ය වයිරසය හේතුවෙන් මේ වනවිට,මාස හතක් ඇතුළත ලක්ෂ හයකට ආසන්න පිරිසකට ජීවිත අහිමි වී ඇත.

රොයිටර්

055