කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලබමින් සිටි 29දෙනෙකු අද(11) සුවය ලබා පිටව ගිය බව වසංගත රෝග විද්‍යා අංශය කියයි.

ඒ අනුව, සුවය ලැබූ සමස්ත රෝගීන් සංඛ්‍යාව 2622කි. මේවනවිට රෝහල්වල ප්‍රතිකාර ලබමින් පසුවන රෝගීන්ගේ සංඛ්‍යාව 238 දක්වා පහළ බැස ඇත.

අද දිනයේදී , ජාතික බෝවන රෝග විද්‍යායතනයෙන් එක් අයෙක්ද, වැලිකන්ද මූලික රෝහලෙන් 5දෙනෙක්ද, මිනුවන්ගොඩ මූලික රෝහලෙන් 3දෙනෙක්ද, පනාගොඩ යුද හමුදා රෝහලෙන් දෙදෙනෙක්ද, කන්දකාඩු ප්‍රතිකාර මධ්‍යස්ථානයෙන් 18දෙනෙක්ද පිටව ගියහ.

අද උදෑසන වනවිට රෝහල් ගතකර ඇති කොරෝනා ආසාදිතයන් බවට සැකසහිත රෝගීන් ගණන 49කි.

ශ්‍රී ලංකාවෙන් වාර්තා වන සමස්ත කොරෝනා ආසාදිතයන් ගණන 2871ක් වන අතර මේ වනවිට 11දෙනෙකු මියගොසිනි.