තාජුඩීන්ගේ පරිගණකයේ දත්ත සම්බන්ධ වාර්තාවක් දෙන්නැයි නියෝග

(නිමන්ති රණසිංහ)

රගර් කී‍්‍රඩක මොහොමඩ් වසීම් තාජුඩීන් විසින් භාවිතා කරන ලද ලැප්ටොප් යන්ත‍්‍ර දෙකේ සහ ඩෙක්ස්ටොප් පරිගණකයේ ඇති දත්ත සම්බන්ධයෙන් විශ්ලේෂණ වාර්තාවක් අධිකරණය වෙත ඉදිරිපත් කරන ලෙස කොළඹ අතිරේක මහේස්ත‍්‍රාත් චාන්දනී ඩයස් මහත්මිය රජයේ රස පරීක්ෂක දෙපාර්තමේන්තුවේ සැකකටයුතු ලේඛන පිළිබද පරීක්ෂකවරයා වෙත අද (28) නියෝග කළාය.

මෙම සිද්ධියට අදාළ නඩුව අද (28) අධිකරණය හමුවේ කැදවූ අවස්ථාවේදී ඝාතනය සම්බන්ධයෙන් සාක්කි වසන්කර කුමන්ත‍්‍රණය කළැයි වසරකට අධික කාලයක් රක්ෂිත බන්ධනාගාර ගතව සිට ඉකුත් මැයි 5 වැනි දා ඇප මත මුදාහැරුණු බස්නාහිර පළාත් හිටපු ජ්‍යෙෂ්ඨ නියෝජ්‍ය පොලිස්පති ටී. එම්. අනුර සේනානායක, නාරාහේන්පිට පොලීසියේ අපරාධ අංශයේ හිටපු පොලිස් පරීක්ෂක අංගොඩගේ සුමිත් චම්පික පෙරේරා සහ හිටපු අධිකරණ වෛද්‍ය නිලධාරී ආනන්ද සමරසේකර යන මහත්වරුන් ඇප මත සිටිමින් අධිකරණය හමුවේ පෙනී සිටියහ.

අදහස් (6)

තාජුඩීන්ගේ පරිගණකයේ දත්ත සම්බන්ධ වාර්තාවක් දෙන්නැයි නියෝග

ජගත් ලියනගේ Wednesday, 28 February 2018 01:42 PM

දේශපාලන කාරයෝ අපිට නාට්‍ය පෙන්නන්න හරි දක්ෂයෝ නේද ?

: 149 131

Senevi Wednesday, 28 February 2018 02:07 PM

මේකට කොදුරු තෙල් හත්පට්ටයම ඕන කරනවා මොන වාර්තා ද නොගත්තේ? වසර 3-4ක් අදිමු වැඩෙන් ගොඩයි.

: 95 84

wasantha Wednesday, 28 February 2018 02:53 PM

මිනීමරු නාට්‍යයක් බලමු අපි. දේශපාලකයෝ විතරද?

: 0 0

parakkrama Wednesday, 28 February 2018 04:28 PM

වැඩේ නම් ගොඩේම ගොඩ වගේ තමයි. අධිකරණයට අපහාසයක් වුනොත් හොඳ නැහැ නේ ? අපිත් අමාරුවේ නේ ? ඒ නිසා කට පියාගෙන බලා ඉඳින එක ඇඟට ගුණයි නේ ? අපට අර ලැබිලා තියෙනවා කියන මොකක්දෝ නිදහස ....... එහෙම එකක් තියෙනවාද ? අනේ මන්දා .

: 0 0

Perera Wednesday, 28 February 2018 05:51 PM

ඕක තව අවුරුදු දෙකක් ඔහොමම එක එක ඒවා කියා කියා ඇදන් ගියාම හරි.

: 0 0

Chanak Los Angeles Thursday, 01 March 2018 04:04 AM

තජුදීන්ගේ සිද්ධියට පරීක්ෂණයක් කරන්න හිටපු පාලකයෝ කර ඇරියා .. මොනතරම් සටනක් කරලාද මේ මිනීමැරුම උසාවිය දක්වා රැගෙන ආවේ ......මොන තරම් බොරු ගෙතුවාද එම පාලකයෝ මේ මිනීමැරුම යටගහන්න ? මොනතරම් සාක්ෂි විනාශ කලාද .. තුච්චම දේ තමයි අධිකරණ වෛද්‍යවරයාගේ භාරයේ තිබුණු තජුදීන්ගේ සිරුරේ අස්ථි කොටස් සැකකරුවන්ගේ වාසිය පිණිස අතුරුදන් කරවීම. මෙය අධිකරණ වෛද්‍යවරයෙකුට කිසිසේත්ම නොගැලපෙන නොකලයුතුම ක්‍රියාවකි .. ලංකාවේ පාලකයන්ගේ මෙහෙයවීමෙන් පමණක් සිදුවෙන සියලුම මිනීමැරුම් , දුෂණ , මංකොල්ලයන් අවසානයේ බැර වෙන්නේ අවිනිශ්චිත ගිණුමටයි .. ඇති පදම් සාක්ෂි තිබිලත් මේ විදියට බොරු ගොත ගොතා ඉදිරියට ඇදගෙන යන්නේ මේ නඩුවටත් එම ආනිසංසයම අත්කර දෙන්නයි ..

: 0 0