(ප්‍රසන්න පද්මසිරි)

ලුණුගල- බදුල්ල මාර්ගයේ බස් රථ අනතුරට හේතුව මීට මාස 6කට පෙර එම මාර්ගයට  කඩා වැටුණු කළු ගලක් බව ප්‍රදේශවාසීහු කියති.

එක් මංතිරුවක් වසාගෙන තිබු එම කළු ගල පසුකර ඉදිරියට ආ ලොරි රථයකට ඉඩ දීමට යාමේ දි මෙම අනතර සිදුවන අයුරු ඒ අසල තිබූ ආරක්ෂක කැමරාකව සටහන් වී ඇත.

මෙම අනතුර ගමන්ගත්  මගීන් 15 දෙනකු මියගිය අතර කාන්තවන්  හය දෙනකු ද ඒ අතර සිටින බව පොලිසිය කියයි

තුවාල ලැබූ 34 දෙනෙක් පස්සර රෝහලට සහ බදුල්ල රෝහලට ඇතුළත් කරනු ලැබ සිටිති.

ඉදිරියෙන් පැමිණෙන ලොරි රථයට ඉඩදීමට යාමේදි එකවර බසට  අඩි 350ක් පමණ ප්‍රපාතයට පෙරළි ගොස් ඇතැයි පොලිසිය කියයි.

අනතුර සිදුවන අවස්ථාවේ මගීහු 50කට අධික පිරිසක් ගමන් කරමින් සිට ඇත. අනතුරින් බස් රථය සුන්බුන් ගොඩක් බවට පත්ව ඇති අතර එම සුන්බුන් ගොඩට යටවී සිටි තුවාලකරුවන්  ඉන් ඉවත් කර ගැනීමට බූම් රථයක සහය ගැනීමට පොලිසියට සිදුවිය.

ප්‍රපාතයට පෙරළුණු බසේ සිටි තුවාලකරුවන් ගොඩට ගැනීම සඳහා පැය තුනක ආසන්න කාලයක් ගත විය.

මීට මාස හයකට පෙර පැවැති වර්ෂාවත් සමග  කළු ගලක් පාරට වැටී ඇති අතර එම නිසා මාර්ගය එක් මංතීරුවක් වැසි ගොස් ඇත.

තුවාලකරුවන් ගොඩ ගනිද්දි එකවරම විශාල ගලක් පෙරළීම නිසා එක් අයකුට තුවා ලබා ඇත. මෙම කළු ගල ඉවත් කරන ලෙස අදාල ආයතනවලට දැනුම් දුන්නත් වගකිවයුතු ආයතන සිය වගකීම ඉටු නොකිරීම මෙම අනතුරට මූලික අනතුර බව ද ප්‍රදේශවාසීහු කියති.