(පුෂ්පකුමාර මල්ලවආරච්චි) 
 
ජෝර්දානයේ ඇගළුම් කම්හලක සේවයේ නියුතුව සිටි වේයන්ගොඩ තරුණයකු කොරෝනා ආසාදිතව මිය ගොස් ඇති අතර එම ආයතනයේ විශාල පිරිසක් රෝගීව  මෙන් ම අසරණ ව සිටින බව දැනුම් දී ඇතැයි මියගිය අයගේ ඥාතීහු කියති.
 
වසරකුත් මාස අටකට ඉහතදී රැකියාවට ගිය වේයන්ගොඩ වදුරව පදිංචිව සිටි සම්පත් හංසක සිරිවර්ධන 38 අවිවාහක තරුණයා මෙසේ මියගොස් ඇති බව පවුලේ ඥාතීන් වෙත දන්වා ඇත.
 
මිය ගිය තරුණයා සමග තවත් දෙදෙනෙක් කොරෝනා ආසාදිත ව වෙන්ව කාලය ගත කර ඇතැයිද එම ඇඟලූම් ආයතනයේ සේවය කරන ශ්‍රී ලාංකික පිරිස් මේවනවිට කරකියාගත දෙයක් නොමැතිව සිටිනා බව ඔවුන් දන්වා ඇති බවද මියගිය අයගේ පවුලේ ඥාතීහු සඳහන් කරති. 
 
මෙම තරුණයා ගේ මරණය දින තුනකට පෙර දී සිදුවී සිදු වී ඇති බවට දැනගන්නට ලැබී ඇතැයිද ඔවුහු කියති.
 
මෙම සේවක පිරිස් විදේශ ගත කිරීමට මුල් වූ ශ්‍රී ලංකාවේ ඒජන්සිය ද මේ වන විට ක්‍රියාත්මක නොවන තත්ත්වයක් මත එරට අසරණ ව සිටින පිරිස් කැඳවාගෙන ඒම හා හෝ රැකවරණ සැලසීමට වගකිවයුත්තන් වහා පියවර ගත යුතු බව ද ඔවුහු වැඩිදුරටත් සඳහන් කළහ.