(සුරංග රාජනායක සහ සුදත් එස්. කුමාරසිරි)

ජල සම්පාදන මණ්ඩලයට අයත් පුස්සැල්ලාව ඩෙල්ටා වත්ත ජල පවිත්‍රාගාරයේ හටගත් විෂ වායුවක් ආග්‍රහණය වීම නිසා රෝගී වූ තිස් දෙනකු ගම්පොළ ශික්ෂණ රෝහලට හා පුස්සැල්ලාව වහුගපිටිය රෝහලට ඇතුලත් කළ බව පොලිසිය කියයි.

එම පවිත්‍රාගාරයේ ක්ලෝරින් නළ පද්ධතියෙන් මෙම වායුව කාණ්දුවී පරිසරයට නිකුත්ව ඇති බව හෙළි වී තිබේ.

මේ අවස්ථාවේ එම වත්තේ සේවය කරමින් සිටි කම්කරුවන් 29 දෙනකු හට මෙම විෂ වායුව වැදී ඇති අතර ඉන් කිහිප දෙනෙකුම එහි බිම වැටී සිටියදී රෝහල් ගත කළ බව එහි සේවකයෝ පවසති.

ජල පවිත්‍රාගාරයේ අසල ඇති තේ වත්තේ තේ පඳුරු දහසක් පමණ ද මෙම වායුව වැදීම සමග මැලවී ගොස් ඇති අතර ටැංකිය අසල වැඩ කරමින් සිටි වතු සේවක පිරිසකට මෙම වායුව දැඩිව ආග්‍රහණය වීමෙන් රෝගී වී තිබේ.