(අංජුල මහික වීරරත්න)

ත්‍රිකුණාමල දිස්ත්‍රික්කයේ කින්නියා ප්‍රාදේශීය ලේකම් කොට්ඨාසයේ පුද්ගලයන් ලක්ෂයකට පමණ ගමනා ගමන සහ ව්‍යාපාර කටයුතු පහසු කරවන කුරින්වර්කනි පාලමේ ඉදිකිරීම් කටයුතු නැවත ආරම්භ කිරීම සඳහා ඇ.ඩො මිලියන 10.5 ක මුදලක් වෙන් කළ බව මුදල් ක්‍රම සම්පාදන හා ආර්ථික  සංවර්ධන අමාත්‍යාංශය පවසයි.

ඒ අනුව, පේරාදෙණිය බදුල්ල චෙංකලඩි මාර්ග සංවර්ධන ව්‍යාපෘතියේ ඉතිරි මුදල් මේ සඳහා යෙදෙවීමට අදාළ සංශෝධිත ගිවිසුමට අත්සන් තැබීමට මුදල් අමාත්‍යාංශයේ ලේකම් මහින්ද සිරිවර්ධන මහතා සහ සෞදි සංවර්ධන අරමුදලේ අධ්‍යක්ෂ (නීති) අබ්දුම්මොසෙන් ඒ අල්මුද්ද මහතා විසින් සිදු කරන ලද බව අමාත්‍යංශය කියයි.

එම සංශෝධිත ගිවිසුම් මගින් පේරාදෙණිය බදුල්ල චොකලඩි මාර්ග සංවර්ධන ව්‍යාපෘතියේ අපේක්ෂිත ඉතිරි මුදල් මාර්ග ජාල සංවර්ධන ව්‍යාපෘතිය වෙත මාරුකිරීමට අපේක්ෂිත අතර, එය කුරින් වර්කනි පාලම ඉදිකිරීමේ කටයුතු සඳහා වෙන් කරනු ඇතැයි අමාත්‍යංශය පවසයි.