ඉන්දිකා රාමනායක සහ බිමල් ශ්‍යාමන් ජයසිංහ
 
රුපියල් කෝටි 277 ට අධික වටිනාකමකින් යුත් හොරොයින් මත්කුඩු  තොගයක්  බේරුවල මුහුදේ දී  අත්අඩංගුවට ගැනීමේ සිද්ධිය  සම්බන්ධයෙන්  එම මත්කුඩු තොගය  ජාත්‍යන්තර මුහුදු සීමාවේ සිට රැගෙන ආ  ටෝලර් යාත‍්‍රාවේ හිමිකරු යටින්තොට පහළ ගරාගොඩ ප‍්‍රදේශයේ දී යටියන්තොට පොලිස් කණ්ඩායමක් විසින් අත්අඩංගුවට ගනු ලැබීය.

මෙම සැකකරු බේරුවල ප‍්‍රදේශයේ යටින්තොට ප‍්‍රදේශයට පලා ගොස් ඇති බවට පොලිසියට ලැබුණු තොරතුරක් මත මෙම අත්අඩංගුවට ගැනීම සිදුකර තිබිණි.

සැකකරු පොලිසියෙන් බේරීම සඳහා කැලණි ගඟට පැන පිහිනා  යාමට උත්සහ ගෙන ඇති අතර පොලිසිය මහත් පරීශ‍්‍රමයක් යොදා ඔහු අත්අඩංගුවට ගෙන ඇත. 

සැකකරු රැගෙන ඒමට පොලිස් මත්ද්‍රව්‍ය නාශක කාර්යාංශයේ පොලිස් කණ්ඩායමක් යටියන්තොට ප‍්‍රදේශයට ගොස් ඇති බව පොලිසිය කියයි.

පොලිසිය විසින් අත්අඩංගුවට ගත් මෙම හොරොයින් ප‍්‍රමාණය සැකකරු ඔහුගේ  සොහොයුරා හරහා ඩිංගි බෝට්ටුවකින්  ගොඩබිම  වෙත රැගෙන එමින් සිටියදී  බදාදා (5) රාති‍්‍රයේ පොලිසිය අත්අඩංගුවට ගෙන තිබිණි.