IMG-LOGO

2024 ජුනි මස 17 වන සඳුදා


ඉරාන තානාපතිට පහරදුන් ව්‍යාපාරිකයා රිමාන්ඩ්

(විමුක්ති එස් රුද්‍රිගු)

ඉරාන තානාපති ආචාර්ය අලිරේසා ඩෙල්කොශ් මහතාට පහරදීමේ චෝදනාව මත අත් අඩංගුවට ගනු  නැමැත්තා හෙට (20) දක්වා රක්ෂිත බන්ධනාගාරගත කිරීමට කොළඹ අතිරේක මහේස්ත්‍රාත් හර්ෂණ කැකුණවල මහතා අද (19) නියෝග කළේය.

මෙසේ රිමාන්ඩ් බාරයට පත් කරනු ලැබුයේ බුවනෙක මහසෙන් බස්නායක නමැත්තෙකි.

තානාපතිවරයාගේ මෝටර් රථය කොළඹ සිටි සෙන්ටර් රථ ගාලට ඇතුළු කරන අවස්ථාවේ ඇතිවූ ආරවුලක් මත බුවනෙක මහසෙන් බස්නායක නැමැත්තා තානාපතිවරයාට පහර දී ඇති බවත් පහර දීමෙන් අනතුරුව සිය මෝටර් රථයට නැග එම ස්ථානයෙන් පළා යාමට උත්සාහ දරා ඇති බවත් පැමිණිල්ල මෙහෙයවූ නිලධාරින් අධිකරණයේදී ප්‍රකාශ කළේය.

එම අවස්ථාවේදී බුවනෙක මහසෙන් බස්නායක නැමැත්තා පළා යෑම වැළැක්වීම සඳහා තානාපතිවරයා විත්තිකරුගේ මෝටර් රථයේ බොනට්ටුවට අත තබා ඇති බවත් එම අවස්ථාවේදී සැකකරු මෝටර් රථය පණ ගන්වා මීටර් 15 ක් පමණ ඉදිරියට ධාවනය කර ඇති බවත් පැමිණිල්ල මෙහෙයවූ නිලධාරිහු පැවැසූහ. එහිදී තානාපතිවරයා සැකකරුගේ මෝටර් රථයේ බොනට්ටුව මතට වැටී ඇතැයි එම නිලධාරීහු ප්‍රකාශ කළහ.

සිදුවීමට අදාළ සී.සී.ටී.වී දර්ශන කොම්පඤ්ඤවීදිය පොලිසිය විසින් ලබාගනු ලැබ ඇති බවත් එම දර්ශන අධිකරණයට ඉදිරිපත් කරන බවත් පැමිණිල්ල මෙහෙයවූ නිලධාරීහු පැවැසූහ.

විත්තිකරු වෙනුවෙන් පෙනී සිටි නීතිඥවරුන් ප්‍රකාශ කර සිටියේ පිටුපස වාහනයේ පැමිණි පුද්ගලයා ඉරාන තානාපතිවරයා බව විත්තිකරු නොදැන සිටි බවය.එම නිසා විත්තිකරුට ඇප ලබා දෙන ලෙස නීතිඥවරුන් අතිරේක මහේස්ත්‍රාත්වරයාගෙන් ඉල්ලීමක් කළේය.

එම ඉල්ලීම ප්‍රතිකෙෂේප කළ අතිරේක මහේස්ත්‍රාත් හර්ෂණ කැකුණවල මහතා සැකකරු හෙට (20) තෙක් රක්ෂිත බන්ධනාගාරගත කරන ලෙස නියෝග කළේය.

විත්තිකරු වෙනුවෙන් ජනාධිපති නීතිඥ අනුජ ප්‍රේමරත්න, නීතිඥ අජිත් පතිරණ සහ නීතිඥ තරිඳු වික්‍රමනායක මහත්වරුන් ඇතුළු නීතිඥවරු පිරිසක් පෙනී සිටියහ.

 



අදහස් (10)

ඉරාන තානාපතිට පහරදුන් ව්‍යාපාරිකයා රිමාන්ඩ්

SAMAN Sunday, 19 May 2024 07:38 PM

පිටුපස වාහනයේ පැමිණි පුද්ගලයා ඉරාන තානාපතිවරයා උවත් සාමාන්‍ය පුරවැසියකු උවත් කිසිදු අවස්තවකදී වෙනත් කිසිවකුට පහරදීමට නොහැක.

:       1       77

sachithMonday, 20 May 2024 08:21 AM

මේ කියන විදියට පිටිපස්සේ වාහනේ අපි වගේ සාමාන්‍ය මනුස්සයෙක් හිටියා නම් නඩු යන්නේ අපි ගිහින් මේ අහිංසක ව්‍යාපාරිකයාට ගහලා, වාහනේ පැහැරගෙන යන්න බොනට්ටුව උඩට පැන්නා කියලා...

:       0       34

චින්තක Monday, 20 May 2024 03:43 PM

එහෙනම් රැකවලෙක් කියලා තිබුණේ සැකකරු ඔහුගේ පස්සෙන් හිටියේ තානාපති කියලා නොදන්නා නිසා එහෙම වුනා එනිසා සමාව දෙන්න කියලා රැකවල්කරුට එහෙම කියන්න පුළුවන් නම්.???????

:       0       0

Frencis Sunday, 19 May 2024 08:08 PM

තානාපති කියන්නේ විදෙස් රටක ඒ රට වෙනුවෙන් සිටින නියෝජිතයා තමයි. ඔහුට පහර දෙනවා කියන්නේ එරටට පහර දෙනවා වගේ බරපතල වරදක් වෙනවා. පිටුපසින් පැමිණි වාහනය තානාපතිගේ කියලා නොදන්නා බව පිළිගන්න පුළුවන් දෙයක් නොවෙයි.. තානාපති වාහන සඳහා අංක තහඩුව අනුව තේරුම් ගන්න පුළුවන්. දැන් සැකකරු බේරාගන්න හදන පිරිස් යම්විදියකින් තානාපති මියගියා නම් ගන්න පියවර මොකක්ද? ඒක කොහොම වුණත් එවැනි දෙයක් වෙලා ප්‍රතිඵලය අහිතකර වුණොත් රටට වෙන්න පුළුවන් හානිය කොහොම වේවිද කියලා හිතනවා නම් කාටකාටත් හොඳයි..

:       0       11

Prabha Sunday, 19 May 2024 08:52 PM

කටුනායකදී පහර දුන්නේ කම්කරුවෙකුට හින්දා ගහපු කෙනා නිදහසේ ඉන්නේ...! 

:       1       12

Ruwan Sunday, 19 May 2024 10:07 PM

මේ අර බුවනෙක හෝටලේ අයිතිකාරයගෙ පුතානේ..හෙහ් හෙහ් හෙහ්..

:       1       46

අරවින්ද මොනරවිල Monday, 20 May 2024 09:40 AM

මේ එයාමද ? එහෙම නම් මුන්ගේ අමාරුව තාම ඇරිලා නැහැ.

:       0       13

Prabha Monday, 20 May 2024 03:08 AM

ඔය නීතිය එයාපෝට් එකේ බඩු අදින මිනිහට අදාළ නැද්ද

:       1       18

සෙනෙවිරත්න Monday, 20 May 2024 05:22 AM

මිනීමැරුම් චෝදනා කරල වසර දෙකතුනකට ඇතුළට දාන්න. මොකද බොනට් එකට අත තියාගෙන ඉන්න පුද්ගලයෙක් යටකරගෙන යන්න උත්සාහ කරලා තියෙනවා. අනිත්ස ල්ලිකාර මොලේ නැති හරක්ට පාඩමකට ගන්න. හැබැයි සල්ලි දැකල ඊර්ෂ්‍යා කරන කුහක ජෙප්පො කියන්න එපා,

:       1       13

fairoos Monday, 20 May 2024 12:50 PM

ඉතාම හොඳයි... වැරැදිකරුවන්ට දඬුවම් දෙන්න.

:       0       4

ඔබේ අදහස් එවන්න

එසැණ පුවත්

කොල්ල කල්ලියක් ගිනි අවි සමග මාට්ටු
2024 ජුනි මස 16 382 0

ගිනි අවි පෙන්වා දේපළ කොල්ලකෑමේ යෙදුණු කල්ලියක සැකකරුවන් තිදෙනකු ගිනි අවි අත්බෝම්බ, උන්ඩ, පිහියා ඇතුළු දේපල රැසක් සමග අත්අඩංගුවට ගත් බව බඩල්ගම පොලිසිය


පොසොන් සමරන්න සල්ලි හොයන්න එතෙර රූ රැජිනත් පිඬුසිඟා වඩිති
2024 ජුනි මස 16 1936 0

රාජ්‍ය අනුග්‍රහය ලබා නොගෙන පවත්වන මෙවර පොසොන් පින්කම සඳහා ජනතාවගේ දායකත්වය ලබා ගැනීමට මිහින්තලේ නායක හිමියන් සහ ලෝක රූ රැජිනක්ව සිට පැවිදි දිවියට පත


අධිවේගයේ බසයෙන් කුඩු අදින්න බැරි වේ
2024 ජුනි මස 16 993 0

දක්ෂිණ අධිවේගී මාර්ගයේ පින්නදූව පිවිසුමේ දී හෙරොයින්. සහ හෑෂ්. මත්ද්‍රව්‍ය ඇතුලු දුම්කොල ග්‍රෑම් 57ක්, ජංගම දුරකතන හතක් ,කුඩා කියත් තලයක් ලයිටර හතරක්,යත


පැය කීපයක තාවකාලික සටන් විරාමයක්
2024 ජුනි මස 16 553 0

දකුණුදිග ගාසා තීරයේ මාර්ග හරහා, විපතට පත්ව සිටින පලස්තීන සිවිල් වැසියන්ට ජාත්‍යන්තර ආධාර ලබා දීමට ඉඩ සලසා දෙමින්, දිනපතා පැය කීපයක සටන් විරාම ආරම්භ කි


අඟහරු ආවාටයට ඉන්දීය නමක්
2024 ජුනි මස 16 445 0

අඟහරු මතුපිට, අලුතින් සොයා ගත් ආවාටයක් ඉන්දීය භෞතික විද්‍යාඥ දේවේන්ද්‍ර ලාල් ට ගරු කිරීමක් ලෙස ‘ලාල්’ යන නමින් නම් කිරීමට ඉන්දීය අභ්‍යවකාශ ආයතනය පියව


ලිංගික දර්ශන අන්තර් ජාලයට දැමූ තරුණ ජෝඩු දෙකක් මාට්ටු
2024 ජුනි මස 16 2357 0

ලිංගික දර්ශන සජීවීව අන්තර්ජාලයට යොමු කර මහා පරිමාණයෙන් මුදල් ඉපයීමේ ජාවාරමක නිරත වූ තරුණ අඹුසැමි ජෝඩු දෙකක් අත්අඩංගුවට ගත් බව පිළියන්දල පොලිසිය කිය


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1304 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3022 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2482 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site