(නිමල කොඩිතුවක්කු)

ඇසල පොහොයට  සමගාමීව දිවයින පුරා දන්සැල් 8355 ක් ලියාපදිංචි වී ඇතැයි  ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය පවසයි.

දන්සල් පරීක්ෂා කිරීම මහජන සෞඛ්‍ය පරීක්ෂකවරුන් 2000 කගේ පමණ සහභාගීත්වයෙන්  සිදුවන බවත් එම සංගමයේ ලේකම් චමිල් මුතුකුඩ මහතා පැවසීය.

දිවයින පුරා පැවැත්වෙන සියලු දන්සැල් ඇසල  පොහොයට පෙර දින දන්සල ලබාදෙන අවස්ථාවේදී සහ දන්සල දී අවසන් වූ විට  අනිවාර්යයෙන්ම පරීක්ෂාවට ලක් කරන බවද ලේකම්වරයා  පැවසිය.

අපිරිසිදු ආකාරයට ආහාර පිලියෙළ කරන සහ සනීපාරක්ෂාවට අහිතකර ආකාරයෙන් ආහාර පිළියෙළ කළ දන්සල් එම ස්ථානයේදිම නතරකිරීමට කටයුතු කරන බවද මුතුකුඩු මහතා තවදුරටත් පැවසීය.