(සමන්ත යහම්පත්)

ඇමෙරිකාවේ ලාස් වේශාස්හි පැවැති ‘‘දෙවැනි සිලෝන් අන්තර්ජාතික සිනමා උළෙලේ දී’’ (2nd Ceylon intemational film fesfival-2003) ශ්‍රී ලංකාව නියෝජනය කළ චිත්‍රපට ද්විත්වයකට ජගත් සම්මාන 4ක් හිමිව ඇත.

ලාස්වේගාස් හි සැන්ටා බාබරා නගරයේ ඓතිහාසික ලොබෙරෝ රඟහලේ දී ඉකුත් 24 වැනිදා සිට 28 වැනිදා දක්වා පැවැති මෙම උළෙලේ දී ශ්‍රී ලංකාව නියෝජනය කරමින් තරග වැදුණු සංජය නිර්මාල්ගේ ‘‘සිඩ්ස්’’ (Seeds) චිත්‍රපටයට සම්මාන දෙකක්ද Afdhel Aziz අධ්‍යක්ෂණය කළ "The genius of the place” චිත්‍රපටයට සම්මාන දෙකක් ද හිමිවිය. ඒ අනුව උළෙලේ හොඳම සංස්කරණයට හිමි සම්මානය Paul Vu සහ Hagden Blazටද, හොඳම නිර්මාණ සැලසුම් සම්මානය සුනෙත් මාලිංග ලොකුගේට ද grand Prix සම්මානය Afdhel zizට ද හිමිවීම විශේෂත්වයකි.

මෙවර මෙම උළෙල සඳහා රවිඳු ප්‍රනාන්දුගේ “Pieta’’ කෙටි චිත්‍රපටය ද තරග වැදුණි. ‘‘සීඩ්ස්’’ චිත්‍රපටය හොඳම නළුවා, නිළිය, හොඳම සහාය නළුවා හා හොඳම චිත්‍රපටය යන සම්මාන සඳහා නිර්දේශ වී තිබිණි. ජයග්‍රාහකයන්ට සම්මානය සමග කැලිෆෝර්නියාවේ ප්‍රාන්ත ව්‍යවස්ථාදායක සහතිකය ප්‍රාන්ත සභාව මගින් පිරිනැමීම විශේෂ සිදුවීමක් ලෙස සැලකේ.