(එම්.සුසිල් පියන්ත)

අමාත්‍යවරුන් දෙදෙනකුගේ ලේකම්වරුන් හඳුනන  බව හගවමින් ඊශායල් හා ඉතාලි රැකියාවලට යවන්න රුපියල් ලක්ෂ 54 මුදලක් වංචා සහගතව ලබා ගත්තේ යයි කියන පහ වසර පෞද්ගලික ශිෂයත්ව උපකාරක පංති ගුරුවරයකු  බළපිටිය පාතමුල්ල ප්‍රදේශයේ දී සැකපිට ප්‍රශ්න කිරීම සදහා අත් අඩංගුවට ගත් බව අම්බලන්ගොඩ පොලීසිය කියයි.

සැකකාර පහ වසර පෞද්ගලික ශිෂයත්ව පංති ගුරුවරයා අම්බලන්ගොඩ මාදම්පේ සහ කෑගල්ල ප්‍රදේශවල පුද්ගලයන් දෙදෙනකුගෙන් රුපියල් ලක්ෂ පහලොවක් රට රැකියා දෙනවයි පවසා ලබා ගත්තේ යයි කියන පැමිණිළි දෙකක් මත  බලපිටිය පාතමුල්ල ප්‍රදේශයේ නිවසට ගිය විට සිය නිවසේ තාප්පය උඩින් පැන යාමට උත්සහා දරද්දී දැඩ පරිශමයක් දරා  අත් අඩංගුවට ගත් බව ද පොලීසිය කියයි.

සැකකරු අත් අඩංගුවට ගැනීමෙන් පසු තවත් පස් දෙනකුගෙන් පොලිසියට පැමිණිලි ලැබුධු බව  පොලීසිය කියයි.

මේ සම්බන්ධයෙන් සැකකරුගෙන් කළ ප්‍රශ්න කිරීම්වලදි තමා රට රස්සාවල් දෙන බව පවසා පුද්ගලයන්ගෙන් රුපියල් ලක්ෂ පනස්හතරක් ලබාගත් බව පිළිගෙන ඇත.