(තිළිණි ද සිල්වා සහ රංජන් කටුගම්පොළ)
එක්සත් ජාතික පක්ෂ කොළඹ නාගරික මන්ත්රී කිත්සිරි රාජපක්ෂ මහතාට එරෙහිව ගොනු කර ඇති මූලික අයිතිවාසිකම් පෙත්සම වැඩිදුර විභාගය සඳහා ලබන නොවැම්බර් 18 වැනිදා කැඳවීමට ශ්රේෂ්ඨාධිකරණය අද (10) නියම කළේය.
සිරස මාධ්ය ජාලයේ ප්රධාන කාර්යාලය ඉදිරිපිට දී රතිඤ්ඤා පුපුරුවා හරිමින් මාධ්යවේදීන්ගේ රාජකාරි කටයුතු වලට බාධා කිරීම හා තර්ජනය කිරීම සම්බන්ධයෙන් ඔහුට මෙම පෙත්සම ගොනු කර ඇත.
එම්.ටී.වී චැනල් පෞද්ගලික සමාගම සහ එම්.බී.සී නෙට්වර්ක් පෞද්ගලික සමාගම විසින් ගොනු කර තිබූ එම මූලික අයිතිවාසිකම් පෙත්සම විජිත් මළල්ගොඩ , ප්රීති පද්මන් සූරසේන හා එස්.තුරේරාජ යන මහත්වරුන් ගෙන් යුත් ත්රීපුද්ගල ශ්රේෂ්ඨාධිකරණ විනිසුරු මඩුල්ලක් හමුවේ කැඳවිණි.
දෙපාර්ශ්වය ඇති කරගත් එකඟතාවය යටතේ වගඋත්තරකාර නාගරික මන්ත්රීවරයා විවෘත අධිකරණය හමුවේදී පෙත්සම්කාර සමාගම වෙත සිය කණගාටුව පළ කර එම පෙත්සම සමතයටකට පත්කර ගැනීමට අද (10) නියමිතව තිබිණි.
කෙසේ නමුත් අද පෙත්සම අධිකරණය හමුවේ කැඳවූ අවස්ථාවේදී වගඋත්තරකරු ඇතුළු පිරිස එම පෙත්සම්කාර සමාගම ඉදිරියේ එලෙස රතිඤ්ඤා පුපුරුවා හරිමින් උද්ඝෝෂණ පැවැත්වූයේ ආණ්ඩුක්රම ව්යවස්ථාවෙන් ලබා දී ඇති මූලික අයිතිවාසිකම් අනුව බවට කොන්දේසියක් එම වගඋත්තරකාර පාර්ශ්වයේ නීතීඥවරයා ඉදිරිපත් කළ අතර ඊට පෙත්සම්කරුවන් එකඟ නොවීම මත වැඩිදුර විභාගය සඳහා දින නියම කිරීමට අධිකරණය තීන්දු කළේය.
ඒ අනුව පෙත්සමේ වැඩිදුර විභාගය ලබන නොවැම්බර් 18 වැනි දිනට කල් තබන ලදී.
ගොනු කර ඇත් පෙත්සමේ මෙසේද සඳහන් වේ.
2018 අපේ්රල් 4 වැනිදා හිටපු අගමැති රනිල් වික්රමසිංහ මහතාට එරෙහිව එවකට විපක්ෂය විසින් ඉදිරිපත් කළ විශ්වාසභංග යෝජනාව විවාදයට ගත් අවස්ථාවේ වගඋත්තරකාර නාගරික මන්ත්රී කිත්සිරි රාජපක්ෂගේ මෙහෙයවීමෙන් පැමිණි පිරසක් සිරස මාධ්ය ජාල ප්රධාන සංකීර්ණය ඉදිරිපිටදී උද්ඝෝෂණයක නිරත විණි.
එම පිරිස එහි රාජකාරි කටයුතු කළ නිලධාරීන් බාධාවන අන්දමින් හා මාධ්ය නිදහසට බාධා වන අන්දමින් රතිඤ්ඤා පුපුරුවා හරිමින් මාධ්යවේදීන්ගේ රාජකාරි කටයුතු වලට බාධා කිරීම හා තර්ජනය කිරීම සිදු කළහ.ඒ වනවිට අසල පොලිස් නිලධාරීන් පිරිස් රාජකාරී කටයුතු වන නිරතව සිටියහ.
එලෙස බාධා කිරීමෙන් සිය මූලික අයිතිවාසිකම් උල්ලංඝනය වූ බවට ප්රකාශ කරන්නැයි ඉල්ලා පෙත්සමින් ඉල්ලා තිබිණි.
පෙත්සම්කාර පාර්ශ්වය වෙනුවෙන් ජනාධිපති නීතීඥ සංජීව ජයවර්ධන මහතා සහ වගඋත්තරකරු වෙනුවෙන් නීතීඥ යසස් ද සිල්වා මහතා පෙනී සිටියහ.
පුද්ගලයන් 200 කට ආසන්න සංඛ්යාවක් විදේශ රැකියාවලට පිටත්කර යවන බවට පොරොන්දු වෙමින් රුපියල් කෝටි 30 කට ආසන්න මුදලක් වංචා කළේ යැයි කියන මහරගම ප්රදේශයේ විද
ගාසා හි ගැටුම්වලින් විපතට පත්වූවන් වෙනුවෙන් සහන සැලසීම සඳහා ජනාධිපති රනිල් වික්රමසිංහ මහතා විසින් ආරම්භ කරනු ලැබූ ගාසා හි ළමා අරමුදල (Children of Gaza Fund) සඳහා ස
අපොස සාමාන්ය පෙළ නැවත සමීක්ෂණ ප්රතිඵල මෙවර සාමාන්ය පෙළ විභාගයට පෙර නිකුත් කරන බව අධ්යාපන අමාත්ය ආචාර්ය සුසිල් ප්රේමජයන්ත මහතා පාර්ලිමේන්තුවේ
අපරාධ මර්දනය කර නීතිය සහ සාමය ස්ථාපනය කළ හැකි පොලිසියක් සහ බුද්ධි අංශ රටට අවශ්ය බව කොළඹ දිස්ත්රික් මන්ත්රී මන්ත්රී පාඨලී චම්පික රණවක මහතා පාර්ලිම
කෘෂිකර්ම හා වැවීලි කර්මාන්ත අමාත්ය මහින්ද අමරවීර මහතා අද දින (26) ඉරානය බලා පිටත්ව ගියේය.
’’කෑගහන්න එපා. වැඩිය කෑ ගැහුවොත් සෙංකෝලේ උස්සගෙන යනවා’’ යැයි ප්රාථමික කර්මාන්ත රාජ්ය අමාත්ය චාමර සම්පත් දසනායක මහතා පාර්ලිමේන්තුවේදී අද(26) තර්ජන
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
එජාප නාගරික මන්ත්රී කිත්සිරි රාජපක්ෂට එරෙහි පෙත්සම් විභාගය කල්යයි