(මහින්ද නිශ්ශංක)

හාල් වර්ග අටක හා හාල් මැස්සන් මිල අඩු කර තවත් අත්‍යවශ්‍ය භාණ්ඩ අටක් අඩු මිලට ලබාදීමට ලංකා සතොස පියවර ගෙන ඇතැයි ලංකා සතොස සභාපති ආචාර්ය පී.එම්.කේ.බී.තෙන්නකෝන් මහතා පවසයි.

නව මිල ගණන් අද(28) මධ්‍යම රාත්‍රියේ සිට ක්‍රියාත්මක බව සභාපතිවරයා පවසයි. සුදු නාඩු, සුදු කැකුළු, සම්බා, රතු කැකුළු, රතු නාඩු, සුදු කැකුළු සම්බා, රතු කැකුළු සම්බා සහ කැඩුණු සහල් මෙම මිල අඩුකර ඇති සහල්වර්ග අතර වේ.
මෙයට අමතරව බී ලූනු, අර්තාපල්, ටින් මාළු, සතොස කිරිපිටි, සීනි, පරිප්පු සහ තිරිඟු පිටි වෙළඳපොළේ පවතින මිලට වඩා අඩුමිලට වඩා ජනතාවට ලබාදෙන බවද ඔහු කීවේය. ජීවන වියදම අඩු කිරීම සඳහා ජනාධිපති උපදෙස් මත මෙම මිල අඩුකිරීම ක්‍රියාත්මක බව ද ඔහු කියා සිටියේය.