(කාංචන කුමාර ආරියදාස)
 
ව්‍යාජ මුදල් නෝට්ටු මුද්‍රණය කර ඒවා මාරු කිරීමේ චෝදනාව යටතේ දීර්ඝ විමර්ශනයකින් පසුව යුද හමුදා සෙබළෙකු  අත්අඩංගුවට ගත් බව මාතලේ කොට්ඨාස අපරාධ විමර්ශන ඒකකය කියයි .

ඉතා සූක්ෂම ලෙස පුද්ගලයකු දඹුල්ල ආර්ථික මධ්‍යස්ථානයේ සහ ප්‍රබල ව්‍යාපාරික ආයතන වලට ව්‍යාජ රුපියල් පන්දහසේ  නෝට්ටු ලබාදී ඒවා මාරු කරන බවට දඹුල්ල පොලිස් විශේෂ කාර්යාංශයේ නිලධාරින්ට තොරතුරක් ලැබී තිබිණි.

ඒ අනුව ඉතා රහසිගතව මෙම පුද්ගලයා පිළිබඳව පොලිස්  නිලධාරීන් විමර්ශනයක නිරත වී තිබේ. ඔහු විසින් මාරු කරනු ලැබූ රුපියල් 5000 නෝට්ටු තුනක් සමඟ පුද්ගලයා සැකපිට අත්අඩංගුවට ගෙන තිබේ.
මෙසේ  අත්අඩංගුවට ගෙන ඇත්තේ දඹුල්ල ප්‍රදේශයේ පදිංචිකරුවෙකු බවත් ඔහු වැලිකන්ද ප්‍රදේශයේ යුද හමුදා කඳවුරට අනියුක්තව සේවය කරන බව මාතලේ කොට්ඨාස අපරාධ විමර්ශන ඒකක ප්‍රකාශකයකු පැවසීය.