චාමර විමලරත්න

කුලියාපිටිය පාසලක මුරකරු සේවයේ සිටිමින් රාජකාරී වෙලාවේ හෙරෝයින්  මත්කුඩු සන්තකයේ තබාගෙන සිටියැයි යන චෝදනාව මත කුලියාපිටිය පොලිසිය මගින් ඊයේ (18) අත් අඩංගුවට ගැණුනු සැකකරු අද (19) කුලියාපිටිය මහේස්ත්‍රාත් අධිකරණය වෙත පොලිසිය මගින් ඉදිරිපත් කෙරිණි.

සැකකරුගෙන් තව දුරටත් ප්‍රශ්න කිරීම සඳහා පැය 48 ක් ඔහු පොලිසිය භාරයේ රඳවා තබා ගැනීමට නියෝගයක් ලබා දෙන ලෙස පොලිසිය කළ ඉල්ලීමකට ඉඩ දුන් මහේස්ත්‍රාත් රුවන් ධම්මික දිසානායක මහතා සිකුරාදා (20 වැනිදා) සැකකරු නැවත අධිකරණය වෙත ඉදිරිපත් කරන ලෙස පොලිසියට නියම කළේය.

හෙරෝයින් මත්කුඩු 3 මිලි ග්‍රෑම් 200ක් සන්තකයේ තබා ගෙන සිටියැයි කියන එම සැකකරු කුලියාපිටිය පොලිස් කොට්ඨාශ විෂමත් ද්‍රව්‍ය නාශක ඒකකය මගින් අත් අඩංගුවට ගෙන ඇත.