(දයාරත්න ඇඹෝගම)
එල්.ටී.ටී.ඊ. ත්‍රස්ත ක්‍රියාකාරීන් ලෙස ලෙස කටයුතු කර යුද්ධයෙන් පසුව  පුනරුත්ථාපනය වූ පිරිසක් ද ශ්‍රී ලංකා පොදුජන පෙරමුණෙන් ඉදිරි පළාත් පාලන මැතිවරණය සදහා තරග කිරිමට සූදානමින් සිටින බව පොදුජන පෙරමුණේ උතුරු ප්‍රදේශයේ සංවිධාන කටයුතු බාර හා  උතුරු මැද පළාත් හිටපු ප්‍රධාන අමාත්‍ය එස්.එම්.රංජිත් සමරකෝන් මහතා අද (02) අනුරාධපුරයේදි පැවසීය.
මහින්ද රාජපක්ෂ මහතාගේ දේශපාලන ක්‍රියාවලිය හා එවකට උතුරේ සිදු වූ සංවර්ධනය පිළිබදව පැහැදී එම පිරිසක එම තීරණයට එළැඹ සිටින බව ද ප්‍රධාන අමාත්‍යවරයා කීය.
ශ්‍රී ලංකා නිදහස් පක්ෂයේ වත්මන් නායකයින් සමග එක්ව මැතිවරණයට තරග කිරීමට උතුරේ සිංහල මෙන්ම දමිළ ජනතාව ද සිය කැමැත්තක් නැති බවත් එසේ එක්ව ඉදිරි මැතිවරණයට ඉදිරිපත් වුවත් මහින්ද හිතවාදීන්ගේ ඡන්දය කිසි විටකත් ශ්‍රී ලංකා පොදුජන පෙරමුණට නොලැබෙන බවත් ඔහු සදහන් කරයි.