IMG-LOGO

සහල් ජාවාරමක් ගැන අමරවීර කියයි

(විනීතා එම් ගමගේ)

ආනයනික සහල් මිලදී ගෙන දේශීය සහල් ලෙස හැඟවෙන පරිදි මලුවල යොදා විකිණීමේ ජාවාරමක් ඇතැයි එක්සත් ජනතා නිදහස් සන්ධානයේ ලේකම් ධීවර හා ජලජ සම්පත් අමාත්‍ය මහින්ද අමරවීර මහතා  ප‍්‍රකාශ කළේය.

අඩු මිලට ජනතාවට ලබාදීම සඳහා ආනයනය කරන සහල් වැඩිපුරම මිල දී ගන්නේ සහල් මෝල් හිමියන් විසින් බව ආනයනකරුවන් පවසන්නේ යැයි ද හෙතෙම කීවේය.

ඉන්දියාවෙන් ගෙනෙන සහල් ඉතා හොඳ තත්ත්වයේ ඇති නමුත් දේශිය සහල් මිලදී ගැනීමට පාරිභෝගිකයින්ගේ ඇති උනන්දුව නිසා මේ තත්ත්වය ඇති වී ඇත්තේ යැයි ද අමාත්‍යවරයා කීය.

පරිප්පු හා පොල්වලට උපරිම සිල්ලර මිලක්  නියම කිරීමට රජය තීරණය කර ඇතැයි කී අමාත්‍යවරයා මේ පිළිබඳ ඊළඟ කැබිනට් රැස්වීමේ දී සාකච්ඡා කරන බව ද පැවැසීය.

පරිප්පු තොග මිල මේ වනවිට රුපියල් 110 පමණ වන නමුත් තවමත් සිල්ලර මිල රුපියල් 150 ක් පමණ වන්නේ යැයි ද පොල් රුපියල් 100 ක් පමණ වන්නේ යැයි ද පැවැසු අමාත්‍යවරයා පොල් මිල පිළිබඳ පළවන මාධ්‍ය වාර්තා අනුව වෙළෙන්දන් මිල වැඩි කරන බව ද කීය. පොල් මිල වැඩි වන්නට මාධ්‍ය වාර්තා හේතු වන බව ජීවන වියදම් කමිටුව පෙන්වා දුන් බව ද හෙතෙම සඳහන් කළේය.

අමාත්‍යවරයා මේ අදහස් පළ කළේ  ශ්‍රී ලංකා නිදහස් පක්ෂ මුලස්ථානයේ අද(23) පැවැති මාධ්‍ය හමුවක් අමතමිනි. 



අදහස් (1)

සහල් ජාවාරමක් ගැන අමරවීර කියයි

Bamunuaeachchi Thursday, 23 November 2017 01:56 PM

ඕවා හොයන්න ගිහිල්ලා ජොබ් එක නැති කරන්න එපා.

:       0       3

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 65 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 277 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site