(සිරාජ් හසීම්)

දෙමළ ජාතික සන්ධාන පාර්ලිමේන්තු මන්ත්‍රී එම්.ඒ.සුමන්තිරන් මහතා ඝාතනය කිරීමේ සැලසුමකට සම්බන්ධ වූ බව කියන හිටපු කොටි සාමාජිකයින් පස් දෙනා ලබන 22 වැනි දා තෙක් තවදුරටත් රක්ෂිත බන්ධනාගාර ගතකර තබන ලෙස කිලිනොච්චිය මහේස්ත්‍රාත් ඒ.ආනන්දරාජා මහතා අද(13) නියෝග කළේය.

මේ සම්බන්ධයෙන් පරික්ෂණ සිදුකරන ත්‍රස්ත විමර්ශන ඒකකය විසින් අනාවරණය කරගෙන ඇති පරිදි ඕස්ට්‍රේලියාවේ පදිංචි කන්නන් අනෝජන් වෙට්‍රි නැමති අන්වර්ථ නාම ත්‍රිත්වයකින් හදුන්වන සැකකරු අත්අඩංගුවට ගැනීම සදහා ජාත්‍යන්තර වරෙන්තුවක්ද නිකුත් කරනු ලැබිණි
 

සුමන්තිරන් ඝාතන තැතක නිරත වීමේ සිද්ධිය සම්බන්ධයෙන් පරීක්ෂණ කළ පොලිස් ත්‍රස්ත විමර්ශන ඒකකය මෙම සැකකරුවන් අත්අඩංගුවට ගෙන තිබුණු අතර පාර්ලිමේන්තු මන්ත්‍රීවරයකු ඝාතනය කිරිමට සැලසුම් කිරීම හා මත්ද්‍රව්‍ය ජාවාරම් කිරීමේ චෝදනා යටතේ මොවුනට එරෙහිව නඩු පවරා තිබේ.

මෙම නඩුව විභාගයට ගත් අවස්ථාවේදී අධිකරණය හමුවේ කරුණු දක්වමින් ත්‍රස්ත විමර්ශන ඒකකය සදහන් කර සිටියේ මොවුන් සුමන්තිරන් මහතා ඝාතනය කිරීම සදහා ආයුධද සන්තකයේ තබාගෙන සිටි බවය.එමෙන්ම මොවුන් සන්තකයේ මත්ද්‍රව්‍යද හමුවූ බවය.