(නිමල කොඩිතුවක්කු)

නව ප්‍රජාතන්ත්‍රවාදී පෙරමුණේ ජනාධිපති අපේක්ෂක සජිත් ප්‍රේමදාස මහතා හෙට(21) පෙරවරු 11.00ට සිරිකොත එක්සත් ජාතික පක්ෂ මූලස්ථානයේදි පාක්ෂිකයන් සහ මාධ්‍ය අමතා විශේෂ ප්‍රකාශයක් කිරීමට නියමිතය.
 
එහිදී සජිත් ප්‍රේමදාස මහතා ඉදිරියේදි ගනු ලබන දේශපාලන ස්ථාවරය සහ ඉදිරි වැඩකටයුතු සම්බන්ධයෙන් ප්‍රකාශ කිරීමට නියමිතව ඇතැයි වාර්තා වේ.
 
සජිත් ප්‍රේමදාස මහතා ජනාධිපතිවරනයෙන් පසු පාක්ෂිකයන් හමුවන පළමු අවස්තාව මෙය වන අතර එහිදි තමන් ඉදිරි දේශපාලන කටයුතු සිදුකළ යුතු ආකාරය සම්බන්ධයෙන් සජිත් ප්‍රේමදාස මහතා පාක්ෂිකයන්ගෙන් විමසීමට නියමිතය.
 
සජිත් ප්‍රේමදාස මහතා සමග මෙම අවස්තාව සඳහා එක්සත් ජාතික පක්ෂයේ මැති ඇමතිවරුන් ඇතුලු විශාල පිරිසක් එක්වීමට නියමිතය.