ප්‍රින්ස්  රත්නායක 
 
විශ්ව විද්‍යාල අනධ්‍යයන සේවකයන් අරඹා ඇති වැඩ වැඩවර්ජනයට  විද්‍යාල විධායක ශ්‍රේණියේ නිලධාරීහු ද සහාය දැක්වීමට තීරණය කර තිබේ. ඔවුහු මෙම තීරණය ගෙන ඇත්තේ අද (09) කොළඹදී පැවැති විධායක නිලධාරීන්ගේ සංගමයේ පැවැති රැස්වීමකින් අනතුරුවය. 
 
මේ සම්බන්ධව අදහස් දැක්වූ  වයඹ විශ්ව   විද්‍යාලයේ ඩී.එච්.බී.ආර් දසනායක මහතා 
 

“ විශ්වවිද්‍යාල අනධ්‍යයන සේවකයින් අරඹා ඇති වැඩවර්ජනය හේතුවෙන් විශ්වවිද්‍යාල වල සියලු කටයුතු අකර්මන්‍ය වී ඇති බැවින් විශ්වවිද්‍යාල සිසුන්ගේ අධ්‍යයන කටයුතු ඇතුලු සියලුම කටයුතු   අඩාලව   තිබෙනවා. 

 මේ සඳහා වගකිය යුතු පාර්ශවයන් හට මැදිහත් වන ලෙස ඉල්ලා සිටීමට විශ්වවිද්‍යාල විධායක නිලධාරීන්ගේ සංගමය විදිහට අද (9) දින පැවති රැස්වීමේදී තීරණය කරන්නට යෙදුණා.     
 
විශ්වවිද්‍යාල ප්‍රතිපාදන කොමිසමට සහ විද්‍යාල උප කුලපතිවරුන්ට ලිඛිතව දැන්වීමට පියවරගනු ලබනවා. මෙහි දී අප සංගමය අනධ්‍යන සේවකයින්ගේ වෘත්තියේ ක්‍රියාමාර්ගයන්ට සහයෝගය දැක්වීමට තීරණය කරනු ලැබුවා.  
 
ඒ අනුව නිලධාරීන්ගේ සංගමය  ඔවුන්ට පූර්ණ සහාය දෙමින් එළඹෙන සඳුදා සිට අකුරට වැඩ කිරීමේ ක්‍රියාමාර්ගයට  පිවිසීමට කටයුතු  කරනු ලබනවා. අද අප සංගමය මගින් ඇමතිතු තුමා වෙත ද ලිපියක් ද යොමුකර තිබෙනවා. 
 
 ඊට අමතරව ආයතන ප්‍රධානීන් සහ අදාළ පාර්ශවයන් දැනුවත් කිරීමෙන් පසු අප බලාපොරොත්තු වෙනවා ඒ අය මේ සඳහා යම් මැදිහත්වීමක් සිදුකරයි කියා එසේ   නොවන්නේ නම් ඉදිරි   දින තුනකට පසුව වෘත්තීය ක්‍රියාමාර්ගයන්ට පිවිසීමට බලාපොරොත්තු වෙනවා. 
 
ඉදිරි සතිය තුළ යම්කිසි විසඳුමක් නො ලැබෙන්නේ නම් ඒ අනුව තවදුරටත් සිදුකළයුතු වෘත්තිය ක්‍රියා මාර්ගයන්ට ක්‍රියා මාර්ගයන්ට එළැඹෙන්නට පොරොත්තු වෙනවා .පළමුව අපට අදාල නොවන රාජකාරි රාජකාරී වලින් අප ඉවත් වෙනවා කෙටියෙන්  කිවහොත් සදුදා සිට අප අකුරට වැඩ කිරීමේ ක්‍රියාදාමය එළඹීමට නියමිතයි.” යනුවෙන් පැවසීය.