2025 ජනවාරි මස 16 වන බ්රහස්පතින්දා
2025 ජනවාරි මස 16 වන බ්රහස්පතින්දා
ඩයනා උදයංගනී
දරුවන්ගේ කාලය නාස්ති නොකර ඔවුන්ට වයස 21 ක් පමණ වන විට උපාධියක් හා වයස 25ක් වන විට ආචාර්ය උපාධියක් ලබාගැනීමට හැකි අයුරින් අධ්යාපන ක්රමය වෙනස් කිරීම තම අරමුණ බව අධ්යාපන අමාත්ය අකිල විරාජ් කාරියවසම් මහතා පැවසීය.
සාමාන්ය පෙළ විභාගයට පෙනී සිට උසස් පෙළ අධ්යාපන කටයුතු ආරම්භ වන තුරු හා උසස් පෙළින් පසු විශ්ව විද්යාල අධ්යාපනය ආරම්භ වන තුරු බලාසිටීමට ගතවන කාලය අඩු වන අයුරින් විභාග පැවැත්වීමට මේ වන විට සැලසුම් කර තිබෙන බව ද ඇමතිවරයා සඳහන් කළේය.
ඒ අනුව අ.පො.ස සාමාන්ය පෙළ හා උසස් පෙළ විභාග දෙකම දෙසැම්බරයේ පවත්වා එම මාසයේම ප්රතිඵල ද නිකුත් කර ජනවාරියේ උසස් පෙළ හා විශ්ව විද්යාල ඇරඹීම ඉලක්කය බව ද ඇමතිවරයා කීවේය.
ඒ සඳහා ක්රමවේදයක් විභාග දෙපාර්තමේන්තුව හා එක්ව මේ වන විට සැලසුම් කරමින් පවතින බව ද අමාත්යවරයා ප්රකාශ කළේය.
අමාත්ය අකිල විරාජ් කාරියවසම් මහතා මේ බව පැවසුවේ අධ්යාපන අමාත්යාංශ ශ්රවණාගාරයේදී අද (20) පැවති මාධ්ය හමුවක් අමතමිනි.
සාමාන්ය පෙළ, උසස් පෙළ හා 5 ශ්රේණිය ශිෂ්යත්ව විභාග ප්රතිඵල නිකුත් කරන දින අප ලබා දී තිබෙන බව කී අමාත්යවරයා උත්තර පත්ර පරීක්ෂාව නිසා පාසල් ගණනාවක් නිවාඩු කාලවලින් පසු නියමිත දිනයේදී ආරම්භ කිරීමට නොහැකි වීම ගැටලූවක් බව ද මෙහිදී කීවේය.
එබැවින් විභාගය පැවැත්වූ සැණින් උත්තර පත්ර පරීක්ෂා කිරීම අරඹා හැකි තරම් නිවාඩු කාලය තුළදීම අවසන් කරන ලෙස විභාග කොමසාරිස්වරයාට උපදෙස් දී ඇති බව කී අකිල විරාජ් කාරියවසම් මහතා, මෙවර උත්තර පත්ර පරීක්ෂාව සඳහා පාසල් වසා තැබුවේ දින 5ක පමණ කාලයක් බව ද කීවේය.
පසුගිය කාලය පුරා ඇතැම් ඖෂධ සමාගම් පවත්වාගෙන ගිය ඒකාධිකාරිය බිඳ දැමීම හේතුවෙන් ඖෂධ මිල 200 ගුණයකින් පමණ අඩු කර ගැනීමට හැකි වූ බව සෞඛ්ය සහ ජනමාධ්ය නියෝජ
ලංකා විදුලිබල මණ්ඩලය ඉන්ධනවලින් නිෂ්පාදනය කරන විදුලිය හෙවත් ‘තාප විදුලය’ සඳහා සිල්ලර මිලට ඉන්ධන මිලදීගැනීම නිසා වාර්ෂිකව රුපියල් බිලියන 56 ක් හෙවත් ර
බදුල්ල පස්සර ප්රධාන මාර්ගයේ කිරිමණ්ඩලය අසලින්දී ධාවනය වු යතුරුපැදියක් මතට කපා තිබූ ගසක ඉතිරි දැව කදක් කඩා වැටීමෙන් තුවාල ලැබු තරුණයකු බදුල්ල ශික්ෂ
කල් ඉකුත් වූ රියදුරු බලපත්රයට නීතිය ක්රියාත්මක නොකර මුදා හැරීම සඳහා රියැදුරකුගෙන් රුපියල් 3000/= අල්ලස් මුදලක් ලබාගත් මතුගම මූලස්ථාන පොලිසියේ රථ වාහන
පිදුරුතලාගල රජයේ බිජ අර්තාපල් ගොවිපලේ පසුගිය කන්න තුනක් තුලදි රුපියල් 26,659,785 ක මුදලක් වැයකර බිජ අර්තාපල් කිලෝග්රැම් 247,500ක් නිෂ්පාදනය කිරිමට සැලසුම්ක
ජනාධිපති අනුර කුමාර දිසානායක මහතා ප්රමුඛ රජය ආර්ථික ප්රතිසංස්කරණ ක්රියාත්මක කිරීමට සහ වංචා හා දූෂණ වැළැක්වීම සඳහා ක්රියාමාර්ග ගැනීමට ඇති කැපවී
2025 ජනවාරි මස 08
255
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
2024 දෙසැම්බර් මස 24
560
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්රී ලංකාවේ උසම නත්තල් කුළුණ නිර්මාණය කළ
2024 දෙසැම්බර් මස 20
308
0
දශක 3කට අධික කාලයක් තිස්සේ ශ්රී ලාංකිකයින්ගේ මුඛ සෞඛ්යය වෙනුවෙන් කැපවන ප්රමුඛතම සන්නාමයක් වන ‘ඩෙන්ටා’ සිය සුවිශේෂී ‘වැඩෙන සිනහවට ඩෙන්ටල් සත්කාරය
වයස 21 වෙද්දී උපාධියක් ගන්න හැකි වැඩපිළිවෙළක් - ඇමැති අකිල
Mallika Thursday, 20 September 2018 02:32 PM
ඒකනම් හොඳ අදහසක්. අනාගත පරපුරේ දරුවන්ට හොඳ අනාගතයක් නිත්යානුකූලවම කලොත්
duleep Thursday, 20 September 2018 03:27 PM
මෙයා දන්නා තරම තමයි. පළමු උපාධිය අවුරුදු 21 දී ගත්තම අඩුම ගණනේ තව අවුරුදු දෙකක් යනවා මාස්ටර් උපාධිය ගන්න. ඒ එක්කම පටන් ගත්තොත් තව අවුරුදු 3 - 3 1/2 යනවා PhD (ආචාර්ය උපාධිය) කරන්න.
යසිත් Friday, 21 September 2018 02:33 AM
ආචාර්ය උපාධියක් කරන්න මාස්ටර් කර කර ඉන්න ඔනේම නෑ. ඔබේ නොදන්නකම පෙන්නන එපා.
ratnasiri Thursday, 20 September 2018 03:50 PM
ඉතා වටිනා වැඩක්
sam Thursday, 20 September 2018 03:53 PM
මෙය ඉතාම ඉහලින් අගය කල යුතු දෙයක්. අපි මෙහෙ ඉගෙන ගෙන ආචාර්ය උපාධිය කරන්න අවුරුදු 25ක් වෙලා වෙන රට වලට යද්දී ඒ රට වල ළමයි අවුරුදු 21-22 අපිත් එක්ක ආචාර්ය උපාධිය පටන් ගන්නවා. ලෝකේ තරුණ ශ්රමය, කාලය මනාව හසුරවද්දී අපේ රටේ අපි ගොඩක් පිටි පස්සෙන් ඉන්නේ
ravi Thursday, 20 September 2018 03:59 PM
අධ්යාපනයක් නැතුව හෝ උපාධි දුන්නට අපේ විරුද්ධත්වයක් නැහැ, හැබැයි අඩුම වශයෙන් "මනුස්සකම් තියන මනුස්සයින්ට"
RNG Thursday, 20 September 2018 04:50 PM
අගෝස්තු මාසයේ උසස් පෙළ පවත්වලාවත් ජනවාරි වන විට විශ්වවිද්යාලයට ඇතුළත් කර ගන්න බැරි නම් මේ මොන විහිළු කතා ද ..?
vidya Thursday, 20 September 2018 05:46 PM
ඕක හරිම ලේසි වැඩක්. වෙලාවට පන්ති පටන් අරන්, හරි ආචාර්යවරු පත් කර, නවකවදය නවත්වලා, වර්ජන නවත්වලා, සිසුන් ලවා පොරොන්දු පත්රයකට අත්සන් කරගෙන වැඩේ පටන් ගත්තනම් මොකද කරන්න බැරි.
jerami Thursday, 20 September 2018 06:08 PM
හොඳ අදහසක්. ක්රියාත්මක කරන්න. ලෝකයේ දියුණු රටවල වයස අවුරුදු 20/ 21 වෙනකොට උපාධියකුත් අරන් රැකියාවකුත් කරනවා. අපේ අය පාරවල් ගානේ වර්ජන කර කර ඉදලා වයස ගියාම රජයට බනිනවා.
Bamunuarachchi Thursday, 20 September 2018 06:50 PM
උපාධියත් සාමන්ය පෙළ තත්ත්වයට ගෙන එන්නයි හදන්නේ. ළමයින්ගේ දැනුම දියුණුකර උපාධි මට්ටමට ගන්නවාට වඩා ලෙහෙසී උපාධිය ළමයින්ගේ දැනුම මට්ටමට බස්සන එක
සමන් Friday, 21 September 2018 01:54 AM
ඔය උපාධි දෙන තරමට රස්සාවල් තියෙනවද? ඊළගට දැන් උසස් පෙළ සමත් ළමයි ගන්න දැන් විශ්වවිද්යාල වල ඉන්න අය එලවලද ඉඩ ගන්නේ ?
ලුම්බිණි Friday, 21 September 2018 03:30 AM
වයස 21 ක් පමණ වන විට උපාධියක් හා වයස 25ක් වන විට ආචාර්ය උපාධියක් ලබාගැනීමට හැකි අයුරින් අධ්යාපන ක්රමය වෙනස් කිරීම කල යුතේ රටට වැඩක් වෙන විදියට මිසක් නිකම් වැඩක් නැති උපාධි දෙන්න නොවිය යුතුයි. අද ප්රශ්නය වෙලා තියෙන්නේ හැම උපාධි කාරයාම (දොස්තරගේ ඉඳල) රජයෙන්ම රස්සා ඉල්ලන එකයි. රටේ අවශ්යතා වලට ගැලපෙන උපාධි දෙන්න පාසල් වල ඉඳල විශ්ව විද්යාල දක්වාම වෙනස කරනවා නම් තමා හොඳ.
jayantha Friday, 21 September 2018 07:20 AM
දැනට තියන අදහස් කියවල බැලුවා. විවිධ මත තමයි දරන්නේ. කොච්චර හොඳ දෙයක් කරන්න ගියත් අකමැති අය ඉන්නවා. බහුතරයගේ අදහස ක්රියාත්මක කලානම්, දියවන්නාවේ ඉඳලම, වර්ජන නෑ. නීතිය අකුරටම ක්රියාත්මක වෙනවා නම් කාටවත් නටන්න බෑ. ලෝකය දිහා බළල වැඩ කරන්න පුරුදුවෙන්න ඕනෑ. සමහරුන්ට රිදේවි. වැඩේ පටන්ගත්තොත් අනාගතය හොඳ වේවි පොඩි අයගේ. ජයවේවා !!!
prabha Friday, 21 September 2018 10:33 AM
වැඩේ හොඳයි. ඔය එක්කම උපාධියේ ගුණාත්මක බව වැඩි කරන්න පුළුවන් නම් තවත් හොඳයි.