(වඳුරඹ සිරිනිහාල් ගමගේ)


සවුදි අරාබියේදී ඝාතනයට ලක්වූ කාන්තාවගේ නිවසට පැමිණි අමාත්‍යවරුන්ට නිවැසියන් සානුකම්පිතව කරුණු පහදා දුන් අතර ඝාතනයට ලක්වූ කාන්තාවගේ ඥාති සොහොයුරන් ගෙන් අභියෝගයක් එල්ල විය.


සවුදි අරාබියේ ගෘහ සේවයේ නියැලී සිටියදී ඉකුත්  10 දින සිය හාම්පුතාගේ වෙඩි ප්‍රහාරයට ලක්වී මියගිය බවට පැවසෙන වඳුරඹ ,කටබුරාව ,අබේසුන්දර වත්ත.ලිපිනයේ පදිංචිව සිටි තිදරු මවගේ සැමියා හා දියණියන් වාසය කරන නිවසට ඉකුත් 17 දින පැමිණි විදේශ රැකියා හා විදුලි සංදේශ හා ජිඩිටල් යටිතල පහසුකම් අමාත්‍ය හරින් ප්‍රනාන්දු මහහා හා විදේශ කටයුතු නියෝජ්‍ය අමාත්‍ය මනුෂ නානායක්කාර මහතා ඔවුන්ගේ සුව දුක් විමසා අවශ්‍ය සියලුම පියවර ගෙන ඉක්මනින් දේහය ගෙන්වා දීමටත් කළහැකි උපර්මයෙන් එම පවුලේ දියුණුව හා දරුවන්ගේ අනාගතයට අධාල කියාමාර්ග ගැනීමටත් පොරොන්දු විය.


මෙම අවස්ථාවේදී ඝාතනයට ලක්වූ ප්‍රියන්තා මහත්මියගේ සැමියා හා දරුවන් තමන් මුහුණු දී ඇති ගැටළු සාමකාමිව පෙන්වා දුන් අතර ඌරල ශ්‍රී ක්ෂේත්‍රාරාම සුමංගල පිරිවෙන් විහාරස්ථානයේ විහාරාධිපති හා ගා/ඌරල කනිටු විදුහලේ නියෝජ්‍ය විදුහල්පති  ඌරල චන්දිම හිමි එම කරුණු මනා අවබෝදයට ලක්වන පරිදි අමාත්‍යවරුන් දැනුවත් කළේය. 


මෙම අවස්ථාවේදී තම ඥාති සොයෝරියගේ ඝාතනය ගැන කලකිරි සිටි  කිහිප දෙනකු අමාත්‍යවරුන් අමතා තවත් සතියක් ඇතුලත මෘත දේහය ගෙනවිත් නොදුන්නොත් ගම්වල පිරිස් සමග එක්ව වඳුරඹදී උත්ඝෝෂණ කරන බවට පැවසීම නොරිස්සවූ හරින් ප්‍රනාන්දු අමත්‍යවරයා කියා සිටියේ තමන් හා නියෝජ්‍ය අමාත්‍ය වරයා අතුලු සියලුම නිලධාරින් නොපිරිහෙලා සියලුම කටයුතු කරමින් සිටියදී මෙලෙස අභියෝග කිරීම නොකළයුතු  බවයි.

තවද අමාත්‍යවරයා කියා සිටියේ තමන් අභියෝග වලට නම් භිය නොවන බවත් කොහෙවත් සිටින අරාබි ජාතිකයින් වෙනුවෙන් පෙනී සිටීමට හෝ වෙනත් අවශ්‍යතාවයක් සදහා නොපැමිණි බවත් තමාගෙන් හා අමාත්‍යාංශයෙන් ඉටුවියයුතු සේවාව ඉටු කිරීමට මේ වනවිටද කටයුතු කර වැඩි දුරටත් සොයා බැලීමට පැමිණි බවයි.