(සටහන සහ ඡායාරූප - වියලූව වාර්තාකරු - නිශාන්ත කුමාර)

බදුල්ල කලුගහකදුර මාර්ගයේ කලුගහකදුර කප්පරගල ප්‍රදේශයේ දී අද (02) උදෑසන 10.00 ට පමන එම මාර්ගයේ ගමන් ගත් වෑන් රථයක් මාර්ගයෙන් ඉවතට ධාවනය වී ඒ අසල වූ අඩි 40ක පමණ ප්‍රපාතයකට පෙරළිමෙන් එහි ගමන් ගත් හයදෙනෙකු තුවාල ලබා මීගහකිවුල රෝහලට ඇතුලත් කල අතර අසාධ්‍යය තත්වයේ පසුවූ දෙදෙනෙකු බදුල්ල පළාත් රෝහල වෙත මාරුකර කවා ඇතැයි පොලීසිය පවසයි. 


පිටමාරුව ප්‍රදේශයේ පදිංචි මිතුරෙකුගේ නිවසක පැවැති උත්සවයකට සහභාගී වී ආපසු නිවස් බලා යමින් සිටි පනාගොඩ ප්‍රදේශයේ පිරිසක් අනතුරින් තුවාල ලබා ඇත.


අනතුර සිදුවන අවස්ථාවේ වෑන් රථය තුල දස දෙනෙකු ගමන් ගත් බවත්, වෑන් රථය පල්ලම බසිද්දී එක්වරම තිරිංග ක්‍රියා විරහිතව මාර්ගයෙන් ඉවතට ධාවනය වී වට කීපයක් පල්ලමට පෙරලී ගසක හැපී නතර වූ බවත් එහි සිටි තුවාල කරුවෙකු පැවැසිය.


කන්දකැටිය පොලීසිය පරීක්ෂණ පවත්වයි.