(විනීතා එම් ගමගේ)
විදේශීය විනිසුරුවරුන් නොගෙන්වීමට සම්මුතිවාදී ආණ්ඩුව සම්මතයක් ඇති කරගෙන ඇතැයි බව වෘත්තිය පුහුණු ඇමති මහින්ද සමරසිංහ මහතා පවසයි.

විදේශ අත පෙවීමකට කිසිසේත්ම ඉඩ තියන්නේ නැතැයි වත්මන් ජනාධීපති මෛත‍්‍රීපාල සිරිසේන මහතා  මේ වන විට සපථ කර ඇතැයිද  අගමැති රනිල් වික‍්‍රමසිංහ මහතා ද ඒ පිළිබඳ සහතික වී ඇතැයි ද කී සමරසිංහ මහතා මෙරටට විදේශ විනිසුරුවන් ගෙන්වූයේ මහින්ද රාජපක්ෂ ජනාධිපතිවරයා ගේ පාලන සමයේ බව අමතක කළ යුතු නැතැයිද කීවේය.

‘‘විනිසුරුවන් ගෙන්වලා අපේ අධීකරණවලට ඇතුල් කරන්න යෝජනා ආවත් ජනාධිපතිතුමා ප‍්‍රසිද්ධියේ කිව්වා කිසිම ජාත්‍යන්තර විනිසුරුවරයෙකුට මේ රටට ඇවිත් යුද්ධ කළ හැටි පරික්ෂණ කරන්න දෙන්නේ නැහැ කියලා.සිවිල් ජනතාව ඉලක්ක කරගෙන සටන් කළේ එල්ටීටීඊයයි. මිනිස් පළිහක් ලෙස ලක්ෂ තුනක ජනතාව යොදාගත්තේ එල්ටීටීඊයයි.’’ යැයි ද සමරසිංහ මහතා ප්‍රකාශ කරයි.