රංජන් කස්තුරි
 
විදුලි බලාගාර ඉදිකිරිමේ සැලසුම් වසර දෙකක් තිස්සේ ප්‍රමාදවීම නිසා රටට රුපියල් කෝටි 10,000 ක පමණ අතිවිශාල පාඩුවක් සිදුව ඇති හෙයින් ඒ පිළීබඳව සොයා බැලීම සඳහා ජනාධිපති විමර්ශන කොමිසන් සභාවක් පත්කරන්නැයි මහනගර සහ බස්නාහිර සංවර්ධන ඇමැති පාඨලී චම්පික රණවක මහතා ජනාධිපතිවරයාට යෝජනා කර තිබේ.


කැබිනට් මණ්ඩලයට සවිස්තර සටහනක් ඉදිරිපත් කරමින් පාඨලී චම්පික රණවක මහතා එම යෝජනාව ඉදිරිපත් කර ඇත.


අඩුවියදම් බලාගාර ඉදිකිරිම ප්‍රමාද කිරිම,එමගින් රටේ ආර්ථීකයට සිදුව ඇති හානිය, ලංකා විදුලිබල මණ්ඩලයට සිදුව ඇති පාඩුව සොයා බලන ලෙසත් වගකිවයුතු නිලධාරීන්ට එරෙහි පියවර ගැනීම සඳහා එම ජනාධිපති කොමිසම පත්කළ යුතු බවද ඇමැතිවරයා කැබිනට් මණ්ඩලයට ඉදිරිපත් කර ඇති එම සටහනේ සඳහන් වේ.