(රොමේෂ් මධුෂංඛ)

උතුරු පළාත් ප්‍රධාන අමාත්‍ය සී.වී.විග්නේශ්වරන් මහතාට යළිත් උතුරු පළාත් මහඇමැති අපේක්ෂකත්වය නොදෙන බවට දෙමළ ජාතික සන්ධානයේ පාර්ලිමේන්තු මන්ත්‍රී එම්.ඒ. සුමන්තිරන් මහතා  යාපනයේ පැවති මාධ්‍ය සාකච්ඡාවක දී පැවසීය.

‘උතුරු පළාත් ප්‍රධාන අමාත්‍යවරයා වශයෙන් දැනට මහඇමැති වන සී.වී. විග්නේශ්වරන් යළිත් පත් කරන්න අපි බලාපොරොත්තු වෙන්නේ නැහැ මොකද පසුගිය වතාවේදීත් එතුමන්ට මහඇමැති ධූරය ලබා දෙද්දී එතුමන් සඳහන් කළේ වසර දෙකකට පමණයි මා මේ ධූරය දරන්නේ කියලා එවැනි පසුබිමක් තුළ යළි ඔහුට එම තනතුර දීම සුදුසුයි කියල අපි හිතන්නේ නැහැ.

මෙහිදී අගමැතිතුමාගේ විශ්වාශභංගය සම්බන්ධයෙන් දෙමළ ජාතික සන්ධානයේ ක්‍රියා පිළිවෙත පිළිබඳව මාධ්‍යෙව්දීයකු ඇසූ ප්‍රශ්නයකට පිළිතුරු දෙමින් මන්ත්‍රීවරයා  මෙසේ පැවසීය.

‘අපි දෙමළ ජාතික සන්ධානය හැටියට විශ්වාශභංගයට එරෙහිව ඡන්දය දෙන්න කලින් ජනපති හා අගමැති සමඟ සිදුකළ සාකච්ඡා පිළිබඳව මාධ්‍ය මගින් අනාවරණය වුණා. එමගින් වැඩි වශයෙන් දක්වා තිබුණේ අගමැතිට සහය පළ කිරීමට දෙමළ ජාතික සන්ධානය ඔහු සමඟ ගිවිසුමකට එළඹ ඇති බවයි ඒ පිළිබඳව දෙස් විදෙස් මාධ්‍යත් දිගින් දිගටම අපෙන් ප්‍රශ්න කළා. අපි එවැනි කිසිම ගිවිසුමකට එළඹුණේ නැහැ. නමුත් ජාතික ආණ්ඩුව ඉදිරියට ගෙනයාමට දෙමළ ජනතාවට පවතින ගැටලු 10 ක් සම්බන්ධයෙන් අපි කරුණූ සාකච්ඡා කළා ඉතින් ඒක රහස් සාකච්ඡාවකුත් නෙමෙයි කිසිම ගිවිසුමකුත් නෙමෙයි. යනුවෙනි.