අනීෂා මානගේ
 
කිසියම් ලොසින්ජර වර්ගයක් ආහාරයට ගැනීමෙන් පසුව රෝගී වූ කටුවන ජාතික පාසලේ ශිෂ්‍යයන් කිහිපදෙනෙකු ප්‍රතිකාර සදහා අද(04) කටුවන දිස්ත්‍රික් රෝහලට ඇතුලත් කර ඇතැයි කටුවන පොලිසිය කියයි.
 
මෙලෙස රෝගාතුර වී රෝහල්ගත කර ඇත්තේ කටුවන ජාතික පාසලේ හය හා හත් වැනි ශ්‍රේණිවල අධ්‍යාපනය ලබමින් සිටි ළමයින් හය දෙනෙකි.
 
විද්‍යාලය අසල පිහිටා ඇති වෙළදසැලකින් මිළදී ගත් ලොසින්ජර වර්ගයක් ආහාරයට ගැනීමෙන් පසුව පාසල් ශිෂ්‍යයන් රෝගාතුර වී තිබේ.
 
මත්ගතිය, ක්ලාන්තය හා වමනය යන රෝග ලක්ෂණ පැවතීම නිසා පාසල් දරුවන් හය දෙනා කටුවන දිස්ත්‍රීක් රෝහලට ඇතුලත් කිරීමට විද්‍යාලයේ කාර්යය මණ්ඩලය කටයුතු කර ඇත.
 
මේ සම්බන්ධයෙන් කටුවන මහ විද්‍යාලයේ විදුහල්පතිවරයාගෙන් පැමිණිල්ලක් ලැබුණු බව කටුවන පොලිසිය කියයි.
 
හම්බන්තොට හා මාතර දිස්ත්‍රීක් පරිපාලන මහජන සෞඛ්‍ය පරික්ෂක සමන් කුමාර මහතාගෙන් මේ පිළිබදව කළ විමසීමේදී ඔහු පැවසූවේ  මෙම ලොසින්ජර වර්ගය චීනයෙන් ආනයනය කරන ලද්දක් බවයි.  වෙළදසැලේ අලෙවි කිරිමට තිබූ සියලුම ලොසින්ජර තම භාරයට ගත් බවද  ඔහු කීවේය.