ජකර්තාහිදීය (රොයිටර්)

ඉන්දුනීසියාවේ ලොම්බොක් දූපතට බලපෑ භූමි කම්පාවෙන් මියගිය ගණන 82ක් දක්වා ඉහළ ගොස් ඇතැයි එරට ආපදා බලධාරිහු පවසති. 

තවත් දහස් ගණනක් මුදාගෙන ඇතැයි ද ඉන්දුනීසියාවේ ජාතික ආපදා පාලනය කිරීමේ ආයතනය සඳහන් කරයි. තවදුරටත් එම මෙහෙයුම් ක්‍රියාත්මක වන බව ද එම ආයතනය සඳහන් කරයි. 

ඉන්දුනීසියාවේ උතුරු වෙරළ තීරයේ ලොම්බොක් දූපතට ඊයේ (5) බලපෑ මෙම භූ කම්පනයත් සමඟ සුනාමි අනතුරු ඇඟවීම් නිකුත් කිරීමට එරට බලධාරිහු පියවර ගත්හ. 

භූ කම්පනයේ ප්‍රබලත්වය රික්ටර් මාපකාංක 7.0ක් යැයි ඇමෙරිකා එක්සත් ජනපද භූ සමීක්ෂණ ආයතනය සඳහන් කර තිබිණි. 

භූ කම්පනය ඇති වූ ස්ථානයේ ගැඹුර කිලෝමීටර 15ක් පමණ විය. 

භූමි කම්පාව හේතුවෙන් ගොඩනැගිලි රැසකට හානි සිදු ව ඇතැයි ද වාර්තා විය.  මෙම භූ කම්පනය සිදු වූයේ රික්ටර් මාපකාංක 6.4ක් ඉන්දුනීසියාවට බලපෑ සතියකට පසුවය.

සංචාරක පරාදීසයක් වන ඉන්දුනීසියාවට පසුගිය සතියේ බලපෑ භූමිකම්පාවෙන් 14 දෙනකු මියගොස් 162ට ආසන්න පිරිසක් තුවාල ලැබූහ. 

055