2022 අගෝස්තු මස 17 වන බදාදා
ලක්ෂ 50 ක කේරල ගංජා සමඟ තිදෙනෙක් සැකපිට
(සිතුම් චතුරංග)
යාපනය සිට පුත්තලම දක්වා රුපියල් ලක්ෂ 50 ආසන්න වටිනාකමින් යුත් කේරළ ගංජා කිලෝ 37 ක ලොරි රථයකින් රැගෙන යමින් සිටි පුද්ගලයින් තිදෙනකු අද (18) පුනරින් සංගුපිට්ටි පාලම අසලදී අත්අඩංගුවට ගත් බව පුනරින් පොලිසිය කියයි.
ලොරි රථයක සූක්ෂම ලෙස සඟවා මත්ද්‍රව්‍ය රැගෙන යන පිරිසක් පිළිබඳ පුනරින් පොලිසිය වෙත ලැබුණු තොරතුරකට අනුව සිදුකළ වැටලීමකදී සැකකරුවන් අත්අඩංගුවට ගෙන ගෙන තිබේ.
සැකකරුවන් දීර්ඝ කාලයක සිට අබිලි යකඩ ප‍්‍රවාහනය කරන මුවාවෙන් යාපනය සිට කේරළ ගංජා රැගෙන යාම සිදුකර ඇති බව පවසයි.
අත්අංගුවට ගත් සැකකරුවන් පුත්තලම ප‍්‍රදේශයේ පදිංචි වයස අවුරුදු 22 ත් 24 ත් අතර වයසේ පසුවන්නෝ වෙති.
පොලිස් බාරයට ගත් කේරළ ගංජා තොගය ඉන්දියාවේ සිට ධීවර බෝට්ටු මාර්ගයෙන් මෙරටට ගෙනවිත් යාපනය සිටින මත්ද්‍රව්‍ය ජාවාරම්කරුවකුගෙන් මිලදී ගෙන පුත්තලම ප‍්‍රදේශයට රැගෙන යන බවද පොලිසිය කියයි.
