(විනීතා එම් ගමගේ)

මධ්‍යම ඇමරිකානු කළාපයේ පැතිර යන වකුගඩු රෝගය හා ශ්‍රී ලංකාවේ රජරට ඇතුළු ප‍්‍රදේශ ගණනාවක පැතිර යන වකුගඩු රෝගය සමාන ලක්ෂණ සහිත එකම රෝගයක් බවට තහවුරු වී ඇතැයි රජරට විශ්ව විද්‍යාලයේ වෛද්‍ය පීඨයේ ආචාර්ය වෛද්‍ය චන්න ජයසුමන මහතා ප‍්‍රකාශ කරයි.

මේ ගැන පර්යේෂණයක් ස්වීඩනයේ දී කළ බවත් ඒ සඳහා රෝගින්ගේ වකුගඩු පටක ඇසුරු කරගෙන නිරික්ෂණ කළ බවත් වෛද්‍යවරයා පවසයි. දෙරටේම ඇති වකුගඩු රෝගයේ ලක්ෂණ සමාන බවට හෙළී වී තිබුනත් වෛද්‍ය විද්‍යාත්මකව තහවුරු කෙරෙන පර්යේෂණ සිදු නොවීය. 

ලබන 21 සිට 23 වැනි දා දක්වා මෙක්සිකෝවේ මෙක්සිකෝ නගරයේ පැවැත්වෙන වකුගඩු රෝගය පිළිබඳ ලෝක සමුළුවේදී මෙම පර්යේෂණය ගැන පත‍්‍රිකාවක් ඉදිරිපත් කරන්නට  බලාපොරොත්තු වන බව ද වෛද්‍යවරයා කියයි.  රටවල් 129 ක නියෝජිතයින් සහභාගි වන මෙම ලෝක සමුළුව සඳහා ශ්‍රී ලංකාවෙන් ආරාධනා ලැබී ඇත්තේ ජයසුමන මහතාට පමණි.