(අංජුල මහික වීරරත්න)
 
ගෝලීය ආර්ථික අර්බුද නිසා බොහෝ රටවල් වියදම් කප්පාදු කළද යහපාලන රජය කිසිවිටෙක අධ්‍යාපනය සමඟ සෞඛ්‍ය සඳහා වෙන් කරන මුදල් කප්පාදු නොකරන බව අග්‍රාමාත්‍ය රනිල් වික්‍රමසිංහ මහතා මාලිගාවත්තේදී අද (19) පැවැසීය.


අධ්‍යාපනය සඳහා වෙන් කරන මුදල් වසරින් වසර ඉහළ නැංවීම රජයේ අරමුණ බව කී අග්‍රාමාත්‍යවරයා එම මුදල් එම වසරේදීම වියදම් කරන ලෙස ද ඉල්ලා සිටියේය.


අග්‍රාමාත්‍ය රනිල් වික්‍රමසිංහ මහතා මේ බව පැවසුවේ කොළඹ 10 මාලිගාවත්ත දාරුසලාම් විදුහලේ සිව්මහල් ගොඩනැගිල්ල විවෘත කිරීමේ උත්සවයේ ප්‍රධාන ආරාධිතයා ලෙස සහභාගී වෙමිනි.


‘ළඟම පාසල-හොඳම පාසල’ වැඩසටහන යටතේ රුපියල් මිලියන 40ක වියදමින් මෙම ගොඩනැගිල්ල ඉදිකෙරිණි.