ශිරාන් රණසිංහ
 
බිලි පූජාවක් සඳහා කොළඹට එන නාමල් ඇතුළු පිරිසගේ අරමුණ ඉටුකර දීමට රජය සුදානම් නැතැයි මුදල් ඇමැති මංගල සමරවීර මහතා පැවසීය.

2015  න් පසුව ශ්‍රී ලංකාව තරු පහේ ප්‍රජාතන්ත්‍රවාදී රටක් බවට පත්ව ඇතැයි ද ඕනෑම කෙනෙකුට උද්ඝෝෂණ විරෝධතා පැවැත්වීම ද ප්‍රජාතන්ත්‍රවාදී රටක විශේෂ ලක්ෂණයක් බවද ඇමැතිවරයා කීය.

මෙම විරෝධතාව මෙහෙයවන නාමල් ඇතුළු ප්‍රධාන නායකයින්ට බරපතල දුෂණ චෝදනා යටතේ  අධිකරණයේ නඩු ඇතැයි ද මේ අයට ඇප දී ඇත්තේ ද දැඩි කොන්දේසි පිට බවද ඇමැතිවරයා සඳහන් කළේය.
කොළඹට එන පිරිස ආපසු නොගියොත් යවන හැටිත් දන්නා බවද ගැහුවොත් ගහන බවද කියා සිටියේය.