(දයාරත්න ඇඹෝගම)
 
දාහතර හැවිරිදි බාලවයස්කාර දැරියකට බරපතල ලිංගික අපයෝජනයක් කළැයි කියන 37 හැවිරිදි හමුදා භටයකු ඉලුකේගමදී අත්අඩංගුවට ගත් බව කැකිරාව පොලිසිය කියයි.


මෙසේ අත්අඩංගුවට ගෙන ඇත්තේ කැකිරාව ඉලුකේගම පදිංචිව සිටින තිදරු පියෙකි. සැකකරු එම ප්‍රදේශයේම හමුදා කඳවුරක සේවය කරන අයෙකු බව පොලිසිය කියයි.


සැකකරු සහ අපයෝජනයට ලක්වු දැරිය අසල්වාසින් වන අතර සැකකරුගේ දියණිය සමඟ පාඩම් කිරිමට එම නිවසට ගිය අවස්ථාවක දැරිය මෙසේ අපයෝජනයකට ලක්ව ඇතැයි පොලිසිය කියයි. 


සැකකරුගේ බිරිඳ විදෙස් ගතවී සිටින බව පොලිසිය පවසයි. සිද්ධිය සම්බන්ධයෙන් දැරියගේ පියා විසින් කැකිරාව පොලිසියට කළ පැමිණිල්ල මත පොලිසිය විසින් සැකකරු මෙසේ අත්අඩංගුවට ගෙන තිබිණි.


සැකකරු අද (23) අධිකරණයට ඉදිරිපත් කිරිමට නියමිතය.