(ටී.කේ.ජී.කපිල )
නිසි බලපත්ර නොමැතිව නීතිවිරෝධී ලෙස ශ්රී ලාංකික ගුවන් මගීන් තිදෙනකු මෙරටට ගෙන ආ මල් පැළ තොගයක් අද (21) කටුනායක ගුවන් තොටුපොළේ දී ශ්රී ලංකා රේගුවේ ජෛව විවිධත්ව සංස්කෘතික සහ ජාතික උරුමයන් ආරක්ෂණය පිළිබඳ ඒකකයේ නිලධාරීන් පිරිසක් විසින් අත්අඩංගුවට ගනු ලැබීය.
මෙයින් දෙදෙනෙකු ජා - ඇල හා මාතර ප්රදේශවල පදිංචි වයස අවුරුදු 36 සහ 68 හැවිරිදි පුද්ගලයෝ වෙති. අනෙක් තැනැත්තිය 38 හැවිරිදි කැලණිය ප්රදේශයේ පදිංචි කාන්තාවකි.
මොවුන් තිදෙනාම මල් අලෙවිසැල් පවත්වා ගෙන යන ව්යාපාරිකයෝ වෙති.
මොවුන් ඇන්තූරියම්, ඕකිඩ් ඇතුළු තවත් මල් පැලෑටි රාශියක් මේ ආකාරයට නීතිවිරෝධී ලෙස ශ්රී ලංකාවට ගෙනැවිත් තිබූ අතර, ඒවා සියල්ලේ වටිනා රුපියල් 4,89,350 ක් බව රේගුව පවසයි .
COMMENTS
Reply To:
Sisira - cb chds hcdsh cdshcsdchdhd
ඔය වගේ දේවල් රට ඇතුළට ගෙන එන ක්රමයක් ගැන ජනතාව දැනුවත් කරන්න.
මෙවැනි කුඩා ප්රමාණයේ ව්යවසයකින් හට දිරිදීමක් ලෙස, මේ ශාක තොගය කෘෂිකර්ම දෙපාර්තමේන්තුවේ ශාක නිරෝධායන ඒකකයට යොමුකර පරීක්ෂා කිරීමෙන් අනතුරුව මේ ව්යාපාරිකයින් හට ලබාදිය යුතුයි.
ඔය වගේ විදේශ නව සොයා ගැනීම් රටතුළට ගෙන එන්න නිසි ක්රමවේදයක් නැති නිසානේ මේ රටට නවීන තාක්ෂණය, අධ්යාපන ක්රම, යන්ත සූත්ර, එන එක අවුරුදු ගණන් පහුවෙන්නේ. ලෝකෙත් එක්ක ගත්තම අපේ රට තියෙන්නේ අවුරුදු 20ක් පස්සෙන්...
මේවා ලංකාවට ගෙන එන්න නියමිත ක්රමයක් තියෙනවා. මල් පැල සම්බන්ධව කටයුතු කරන හැමෝම ඒ ගැන දැනුවත්. මේක මේ පර්මිට් ගන්නේ නැතුව හොරෙන් ගේන්න හදලා තියෙන්නේ...
හෙට, අනිද්දා වෙනකොට මේ රටේ තණකොළ ගහක් වවන්නත් කෘමිනාශක ගහලා පොහොර දාන්නවෙනවා. ඒ තරම්ම අපේ රටේ පොළව වසෙන් සහ එහි විසෙන් පෙගිලා තියෙන්නේ. ජාන මංකොල්ලය නිසා මේ රටේ බොහෝ ශාක සහ සත්වයෝ තව නොබෝ දිනකින් මේ රටින් තුරන් වෙලායනවා. අද වැව් පොකුණුවල වැව් මාළු හැදීම සීමාවෙලා තියෙනවා. මීට කාලයකට ඉහත මේ වගේම පිටරටවලින් මෙහෙට ගෙන්නපු ටැංකි සුද්දෝ විශේෂයක් නිසා. අද අපේ රටේ ගොයමේ, මිරිස් පැළයේ ඉදන් පොල් ගහ වෙනකන් පිටිමකුණන්, සුදු පුල්ලි රෝගය ආදී රෝග රැසක් ඇවිත් තියෙනවා. ඒ නිසා අපේ රටට පිටින් ගෙන්වන සියලුම ශාක සහ සත්ව වර්ග දැඩි පාලනයක් කළයුතු අතර සීමාකිරීම් හෝ තහනම් කිරීම් සිදුකළ යුතුමයි.