(නිශාන්ත කුමාර)

කන්දකැටිය මුඩගමුව ගම්මානයේදී අඹුසැමියන්  අතර ඇතිවූ බව කියන ගැටුමකදී දර පොලු පහරකට ලක්ව මිය ගිය සිඟිත්තායගේ මරණය සම්බන්ධයෙන් සැක කෙරෙන එම සිඟිත්තාගේ  පියා  මෙම මස 23 වන දින තෙක් රක්ෂිත බන්ධනාගාර ගත කරන ලෙස බදුල්ල මහෙස්ත්‍රාත්  නයන්ත සමරතුංග මහතා  නියෝග කළේය.

සිඟිත්තාගේ මරණය සම්බන්ධ සාක්ෂි විභාගයද එදිනට කැඳවන ලෙස මහේස්ත්‍රාත්වරයා වැඩිදරටත් නියෝග කර ඇත.

ඉකුත් 12 දා පෙරවරුවේ සිදුවූ මෙම සිද්ධියෙන් මිය ගියේ කන්දකැටිය වැවතැන්න උඩගම ගම්මානයේ ආර් ඩී සචින්ත සදරුවන් සම්පත් නම්වූ මාස පහක් වයසැති දරු සිගිත්තෙකි.

සිගිත්තාගේ මරණයෙන් පසුව අතුරුදහන්ව සිටි සැකකරු පසුගිය 15 වනදා ඔහුගේම නිවසේ සැගවී සිටියදී කන්දකැටිය පොලීසියේ නිලධාරීහු පිරිසක් ඔහුව අත් අඩංගුවට ගත් අතර පසුව මහේස්ත්‍රාත්වරයා හමුවට ඉදිරිපත් කෙරිණී.