(ඉන්දිකා රාමනායක)

අපරික්ෂාකාරි ලෙස මෝටර් රථයක් පදවා බොරැලැස්ගමුවේ දී මාරක රිය අනතුරක් සිදු කිරිම සම්බන්ධයෙන් අත්අඩංගුවට ගෙන සිටි රත්නපුර මහ රෝහලේ වෛද්‍යවරිය ලබන මස 9 වැනි දා දක්වා රිමාන්ඩ් කිරිමට ගංගොඩවිල වැඩබලන මහෙස්ත්‍රාත් සුනීතා නානයක්කාර මහත්මිය අද (30) නියෝග කළාය.

මෙලෙස රිමාන්ඩ් බාරයට පත්වුයේ රත්නපුර මහ රෝහලේ දියවැඩියා වෛද්‍ය අංශයේ විශේෂඥ වෛද්‍යවරියක වන දිලානි කාංවිගා නැමැති අයයි.

අපරික්ෂාකාරි ලෙස රථයක් ධාවනය කිරිම සහ අනතුරක් වළක්වා නොගැනීම යන කරුණු ඔස්සේ පොලිසිය සැකකාර වෛද්‍යවරිය අධිකරණයට ඉදිරිපත් කර තිබිණි.

අනතුරින් ඇය ද තුවාල ලබා ඇති අතර පොලිස් ආරක්ෂාව යටතේ කළුබෝවිල රෝහලේ ප්‍රතිකාර ලබමින් පසුවෙයි.

මෙම අනතුරින් මිය ගොස් ඇත්තේ පොලිස් ක්ෂේත්‍ර බළකා මුලස්ථානයේ සේවය කරන පොලිස් බොක්සිං කණ්ඩායමේ පුහුණුකරු ගමගේ අජන්ත ගාමිණි  නැමැති පොලිස් පරික්ෂකවරයා වන අතර ඔහුගේ බිරිඳ හා පුතුන් දෙදෙනා තුවාල ලබා රෝහල කර තිබේ.

ඡායාරූප - බිමල් ශ්‍යාමන් ජයසිංහ