(සමන් විජය බංඩාර)

මාවනැල්ල හෙම්මාතගම මාර්ගයේ ගමන් කරමින් තිබූ  පෞද්ගලික මගී බස් රථයක් අද ( 31)  උදෑසන කුඹල්ගම ප්‍රදේශයේ දී බැම්මකින් පහළට පෙරැළි  පුද්ගලයින් 8 දෙනෙකු රෝහල්ගත කර ඇතැයි හෙම්මාතගම පොලීසිය කියයි.

බස් රථය මාවනැල්ලේ සිට හෙම්මාතගම නගරය දෙසට ධාවනය වන අවස්ථාවේ බස් රථ රියදුරාට වේගය පාලනය කර ගැනිමට නොහැකි විමෙන් මෙම අනතුර සිදුවන්නට ඇතැයි පොලීසිය සැකකරයි.

අනතුර සිදුවන අවස්ථාවේ බස් රථයේ මගීන් 15 කට ආසන්න පිරිසක් ගමන් කර ඇති අතර , කාන්තාවන් 4 ක් සහ පිරිමි පුද්ගලයන් 4 දෙනෙකු රෝහල් ගත කර ඇති අතර වයස අවුරුදු 9 ක දරුවෙකගේ එක් අතකට හානි සිදු ඇති බව ද පවසයි.
 
රෝගීන්  සියලු දෙනා මාවනැල්ල මහ රෝහලට  කඩිනමින් ප්‍රදේශවාසින්ගේද උදව් ඇතිව ඇතුළත් කර තිබුණි.