IMG-LOGO

පාඨලී චම්පික ගොනුකර තිබූ අපහාස නඩු 2ක ඉල්ලා අස්කර ගනී

තිළිණි ද සිල්වා සහ රංජන් කටුගම්පොළ  

තම කීර්තියට සිදුකළ හානිය වෙනුවෙන් රුපියල් මිලියන 1000ක් සහ රුපියල් මිලියන 500 ක් බැඟින් වන්දි අය කර දෙන මෙන් ඉල්ලා මහ නගර හා බස්නාහිර සංවර්ධන අමාත්‍ය පාඨලී චම්පික රණවක මහතා විසින් කොළඹ දිසා අධිකරණය හමුවේ ගොනුකර තිබූ අපහාස නඩු දෙකක් ඒ මහතා විසින් අද (07)  ඉල්ලා අස්කර ගන්නා ලදී.

අමාත්‍යවරයා එම පැමිණිලි ඉල්ලා ගැනීමෙන් පසුව ඒවා නිෂ්ප්‍රභ කිරීමට කොළඹ දිසා අධිකරණය  නියම කළේය.

පාඨලී චම්පික රණවක මහතා එක් නඩුවකින් සඳහන් කර තිබුණේ 2014 වසරේ දෙසැම්බර් මස 30 වනදා මව්බිම පුවත්පතේ පළ කරන ලද මාධ්‍යවේදී   ප්‍රගීත් එක්නැළිගොඩ අතුරුදන් කිරීම පිළිබඳ ලිපියකින් තම කීර්තියට හානියක් සිදුකර ඇති බවයි.

ඒ වෙනුවෙන් අදාළ පුවත්පතෙන් රුපියල් මිලියන 500ක වන්දියක් අය කර දෙන මෙන් ඉල්ලා ඔහු මව්බිම පුවත්පතට එරෙහිව නඩුවක් පවරා තිබුණි.

ඊට අමතරව 2016 වසරේ  ජූලි මස 15 වැනිදා ගල් අඟුරු ආනයනය කිරීමේදී අක්‍රමිකතා සිදුවී ඇතැයි සඳහන් කරමින් පලකර තිබූ ලිපියකින් තම කීර්තියට සිදු වූ හානිය වෙනුවෙන් චම්පික රණවක අමාත්‍යවරයා අදාළ පුවත්පත වෙතින් රුපියල් මිලියන 1000 ක වන්දියක් ඉල්ලා තවත් නඩුවක් ගොනු කර තිබුණි.

මෙම නඩුව අද (7)  කොළඹ දිසා විනිසුරු පමිල රත්නායක මහතා ඉදිරියේ කැඳවූ අවස්ථාවේදී  පාඨලී චම්පික රණවක අමාත්‍යවරයා වෙනුවෙන් පෙනී සිටි නීතිඥවරයා අධිකරණයට දන්වා සිටියේ මෙම නඩු අද විභාග කිරීමට නියමිතව තිබුණත් එය ඉල්ලා අස්කර ගැනීමට තම සේවාදායකයා කැමැත්ත පළ කර ඇති බවයි.

ඒ අනුව නඩු ඉල්ලා අස්කර ගැනීමට අවසර දෙන මෙන්ද පෙත්සම්කාර පාර්ශවයේ නීතිඥවරයා අධිකරණයෙන් ඉල්ලා සිටියේය.

මෙහිදී පුවත්පත වෙනුවෙන් පෙනී සිටි නීතිඥවරු ද අධිකරණයට දන්වා සිටියේ පෙත්සම්කරු පෙත්සම ඉල්ලා අස්කර ගැනීමට අදහස් කරන්නේ නම් ඒ සම්බන්ධයෙන් තමන්ගේ විරුද්ධත්වයක් නොමැති බවයි.

ඒ අනුව අදාළ නඩු 2ක් ඉල්ලා අස්කර ගැනීමට පෙත්සම්කාර පාර්ශවයට අවසර දුන් දිසා විනිසුරුවරයා අනතුරුව ඒවා ගාස්තු රහිතව නිෂ්ප්‍රභ කිරීමටද නියම කළේය.



අදහස් (3)

පාඨලී චම්පික ගොනුකර තිබූ අපහාස නඩු 2ක ඉල්ලා අස්කර ගනී

senarath Thursday, 07 June 2018 04:36 PM

ඒ පත්තරවල පල වුණු විස්තර බොරු නම්, වන්දි නඩුව ඉල්ලා අස්කරගන්න හේතුවක් නැහැ.

:       0       0

Keppetipola Friday, 08 June 2018 12:19 AM

මේ පුවත් පත් වල පල වූ ලිපි සත්‍ය නිසා චම්පික නඩු ඉල්ලා අස්කර ගන්න ඇති කියා සිතනවා

:       0       0

gunarathna Friday, 08 June 2018 12:46 AM

එහෙමනම් කිසිම අපහාසයක් වෙලා නැහැ කියලනේ කියන්නේ.මිනිස්සු ඉල්ලන් කනවා කියන්නේ ඕවට තමා.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 261 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 788 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1204 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site